ڕیالیزما ئەفسوونی د ڕۆمانا (ئۆرگازمێن ئەژدەهایەکێ) دا

Abstract

ئەڤ خەبات لێکۆلینەکە ل سەر رەنگڤەدانا بنەمایێن ڕۆمانا ڕیالیزما ئەفسوونی د ڕۆمانا (ئۆرگازمێن ئەژدەهایەکی)دا یا نڤیسکار (ڤەهێل موحسن)ی. وەکی ئاشکەرا ڕیالیزما ئەفسوونی ئێک ژ شێوازێن نوو یێن رێبازا ڕیالیزمێیە، ئەڤ شێواز ب رەنگەک بەرچاڤ و دیاردەگەری ل ئەمریکا لاتینی سەرهلدایە، ژ بەرکو ئەڤ وەلات خوەدان هندەک بیروباوەر و دابونەریتێن تایبەتن ب ناڤچەیێن خوەڤە، دیسان ئەڤ وەلاتێن لاتینی راستی داگیرکاری، زورداری و دکتاتوری و شەرێن نافخوەیی و دەرەکی و هەژاری و نەداریێ بوونە. ژبەر ڤی چەندێ وان پەنا بوو ئەڤی شێوازێ خەیالی و ئەفسووناوی بریە، دا کو خوە ژ وێ کەتوارێ توقێنەر و ترسوناک قورتال بکەن و جهانەک پڕی ئەفسانە و خەون و خەیال ئاڤا بکەن. مەرەم ژی ژوێ جیهانێ، ئەفراندنا ئازادی،خوەستەک، هیڤی و ئومێدانە. ئەڤ خەبات هەوڵدانە بۆ دەستنیشانكرنا ڕەگەزێن دیار یێن ڕۆمانا ڕیالیزما ئەفسوونی د ناڤ ڕۆمانا كوردی یا دەڤەرا بەهدیناندا و مەرەم ژێ دیاركرنا ئەوان بنەما و تایبەتمەندیانە یێن كو ستایلێ ڕۆمانا ڕیالیزما ئەفسوونی ل سەر هاتی ئاڤاكرن. ئەڤ خەبات ل سەر دوو تەوەرێن تیۆری و پراكتیكی هاتیە پارڤەكرن. د تەوەرێ ئێكدا ب رەنگەك تیۆریك بەحس ل دیرۆك و تیۆر و تایبەتمەندیێن ڕۆمانا ڕیالیزما ئەفسوونی هاتیە كرن و د تەوەرێ دووێ بەحس ل ئەوان مژارا هاتیە كرن یێن دەربرینێ ژ ڕۆمان ڕیالیزما ئەفسوونی دكەن و دبنە سەدەمێ جیاوازیا ئەڤێ ڕۆمانێ دگەل جورە رۆمانێن دی.