پەیوەندیا فاکتەرێ دەرەکى و ڤەگوهاستنا دیموکراسیەتێ ( ئسپانیا- ئەفغانستان) وەک نمونە

Abstract

وەکو دیار پەیوەندیەکا بهێز دناڤبەرا فاكته‌رێ دەولى و ڤه‌گوهاستنا دیموکراسیەتێ دا هەیە و سروشتێ ئەڤێ پەیوەندیێ دوو رەهەندن، رەهندێ ئێکێ ئەو پەیوەندیا ئه‌رێنى یە یاکو دبیتە فاكته‌رێ هێزێ د ئه‌ڤێ پروسێ دا ئەوژى ب رێكا سیاسەتێن جودا جودا یێن ناف دەولەتى دهێتە ئەنجام دان چ ب رێکا ئێخستنا فشاران یانژى ب رێكا هاریکارى و پشتەڤانى کرنێ دیسان ئەزمونێن وەلاتێن سەرکەفتى ژى ئێکە ژ ئالاڤێن گرنگ یێن ئه‌رێنى ژ نمونەیا وەلاتێ ئسپانیا بومە دیار دبیت کو زوربەیا وەلاتێن ئه‌وروپى و ناڤەندێن ناف دەولەتى مینا رێکخراوا نەتەوەیێن ئێکگرتى هەروەسا دام و دەزگەهێن وێ رولەکێ کارا و ئه‌رێنى د پروسا ڤه‌گوهاستنێ دا هه‌بویه‌ ل ڤى وەلاتی. هەروەسا رەهه‌ندێ وێ یێ دووێ نه‌رێنى یە ب تایبەت دەمێ داگیرکرن پەیدا دبیت بێ کو ژینگەها نافخو یا وەلاتى یا گونجای بیت بو پروسا ڤه‌گوهاستنێ دوو ئەزمونێن نوى و سەردەم بومە دیاردبن ئێک ژوان عێراقە و یا دووێ ژى ئەفغانستانە کو فاكته‌رێ دەولى بتنێ د گهورینا رژیمێن ڤان وەلاتان دا رولەکێ کارا هەبویە بەلێ د پروسێن ڤه‌گوهاستنێ دا بەرەف دیموکراسیەتێ رولەکێ نه‌رێنى هەبویە ژبەر پەیرەوکرنا هژمارەکا سیاسەتێن نەگونجای ل ئه‌ڤان وەلاتان. خالا هەره‌ گرنگ سروشت وپەیوەندیا دناڤبەرا ژینگەها نافخو و فاكته‌رێ دەولى یە کو دڤێت ب شێوەکێ تەندروست بهێتە شروڤەکرن چونکە کاریگەریێن پێچەوانە دناڤبه‌را هەردوو فاکتەران دا هه‌نه‌.