گوتارا ئايدولوجی یا سياسی د پێكهاتا دەق شانۆی دا
Abstract
ڤەکولین ل ژێر ناڤ و نیشانێن (گوتارا ئایدولوجی یا سیاسی د پێکهاتا دەقی شانۆیێ دا) کاردکەتن ل سەر خۆاندن و شروڤەکرنا دەقێ سیاسی و گوتارا ئایدولوجی د بەرهەمێن (بیسکاتور، بریخت، و بیتر فایس)یدا، و ئەڤ ڤەكۆلینه وان بابەتێن جڤاکی و مێژوویی و فەلسەفی خوڤه دگریت یێن شانۆ پێشكێش دكەتن، تایبەت ئەوێن گرێدای ژیانا تاکەکەسی و جڤاکی د ئێك دەم دا، کو ئەڤه ژی ب رێكا خواندنی بو تێگەهێ شانۆنێ و گوتارا شانۆیی هاتیه شروڤەكرن، چونكی هاریکاره بو تێگەهشتن و وەرگرتنا تێگەهێ رویدانان ب شێوەکێ مەزنتر و دەلیڤێ ددەتی پێکڤه دگەل چیروکی و بابەتی رویدانان بژیت، و د ئاڤاکرنا ڤی ڤەکۆلین دا ڤەکولەر ل سەر چارچوڤی تیوری راوەستیایه کو شەنگستەیه بو رێسایەکن کو د خواندنا ڤەكولینێ دا پشتبەستن ل سەر کری، کەتواری شێوهیی یی دەقێ شانۆیا سیاسی ل دەف (بیسکاتوری و بریخت و بیتر فایس) ی چ دكەتن.
د ڤێ ڤەكۆلینێدا ڤەكۆلەری هەولدایه پەیوەندیا دناڤبەرا سیاسەتى و ئەدەبێ دا دەستنیشان بكەت، و ئاڤاكرن و پێكئينانا ئايدولوجی يا دەقێ شانۆيا سياسى بخوڤه
دگریت کو پشتبەستنی ل سەر لایەنێن تەکنیکی یا دەقی و گوتارێ ب گشتی کار ل سەر ئەجامدایه ، ئاراستەیا ئایدولوجی و سیاسی یا بابەتێ دەقێ شانۆیێ هاتيەكرن، كو ئەڤه ژی داكوكیێ ل سەر شێوێ دەقێ شانۆیی یا سیاسی و چەوانیا هەماهەنگیا وی د ئاڤکرنا شێوه و ناڤەروکا دەربینا شانۆیی دكەتن، هەروەسا دەستنیشانکرنا وێ ئەرکێ دراماتیکی یێ دەقێ شانۆیا سیاسی کریه ئەوا کو کاراییا پێرفورمانسا درامی د شانۆیا سیاسی دا دکەتن.
بو زانین ئەڤ ڤەكولینه هەولەکه بو خواندنا وێ ئەوا شانۆ پەخش دکەتن، ئەڤجا چ دەقەك بیت یان گوتارەکا شوک بیت، ئانکو هندەك تێگەهێن ئایدولوجی بخوڤه
دگریت کو ب رێکا وان دگەل تاکەکەسی و جڤاکی دئاخڤیت و بەحسا گوهورینا کاودانێن كەتواری دکەتن ئەوێن ل دەف واند گرنگ.
