سیاسهتا ئیرانێ بهرامبهر بزاڤا نهتهوهیی و رزگاریخوازا كوردی ل كوردستانا عیراقێ ١٩٧٩ – ١٩٨٩
Keywords:
ئيران، عيراق، كورد، ثارتي ديموكراتي كوردستان - عيراق، يةكيَتي نيشتماني كوردستانAbstract
ڤهكولین د (سیاسهتا ئیرانێ بهرامبهر بزاڤا نهتهوهیی و رزگاریخوازا كوردی ل كوردستانا عیراقێ 1979-1989) گرنگیا مهزن بخوڤه دگریت، ژبهر جهێ جوگرافى یێ ئیرانێ بو عیراقێ بگشتى، و ههرێما كوردستانێ بتایبهتى، چونكه بزاڤا سیاسى یا ئهڤێ دهولهتێ كارتێكرنهكا ئهرێنى و نهرێنى ل سهر عیراقێ و ههرێما كوردستانێ دكهت. لهوما پێدڤیه ل سهر مه دیڤچوونهكا مێژووى وڤهكۆلینهكێ ل سهر سیاسهتا ئیرانێ بكهین. دا كو وێنهكێ روهن بو مه دیار بیت وئهم نهشیێن ههڤسویاتی ورۆلێ وێ ب پشت گوهڤه پاڤێژین. بێگۆمان كومارا ئیسلامى یا ئیرانى دهولهتهكه سهنگا خۆ یا ههرێمى ونێڤ دهولهتى یا ههى، چ ژلایێ جهێ وێ یێ ستراتیژى یان ژى شیانێن وێ یێن سیاسى وئابوورى دكهڤن ونوكه دا.
ژلایێ خوڤه پارتێن سیاسی یێن كوردی ژی ل عیراقێ ژبو بهردهوامیدان ب خهباتا خو یا سیاسی و چهكداری پشتبهستن ل سهر كومارا ئیسلامی یا ئیرانێ كریه، و مفا ژ هاریكاریێن وێ وهرگرتیه، ب تایبهت ژی ل دهمێ شهرێ عیراقێ و ئیرانێ (1980 - 1988)، و بێگومان "هوكارێ كوردی" رولێ خو د رویدانێن ئهڤی شهریدا ههبوویه، و ئیرانێ ژی د هندهك قوناغێن شهریدا مفا ژ ئهڤی هوكاری وهرگرتیه. و ههر ئێك ژ (ئیران) و (سهركردایهتیا بزاڤا كوردی) بهرژهوهندیێن خو یێن تایبهت د ئهوێ قوناغا گرنگا مێژووییدا ههبوون.
