هونەرێن نڤیسینا نووچەیا ڕۆژنامەڤانیێدا "ڕۆژناما ئەڤرۆ"وەک نموونە

Abstract

 نووچه وەکی ئێک ژ هونەرێن ڕۆژنامەڤانیێ ڕۆلەکێ گرنگ یێ د پێشڤەبرنا ڕۆژنامەڤانیێدا هەی، ڕۆژانە رۆژنامە بەرپەڕێن خوە ب نووترین نووچەیان دخەملینن، چنکو ئەو بزاڤێ دکەن پێزانینێن ڕاست و دروست بگەهیننە هەمی خواندەڤانان. وەکو دئێتە زانین کو نووچە ب ئێک ژ کەڤنترین هونەرێن ڕۆژنامەڤانیێ دئێتە دانان، و ژ دەستپێکێ و هەتا ئەڤرۆ چەندین رێک و ئالاڤ بۆ خوە داناینە کو پەیاما خوە بگەهینتە جەماوەری، لێ ئەڤ ئالاڤە پشتی پێشکەڤتنا جڤاکی هاتینە گوهارتن، پەیدابوونا ئامیرێ چاپێ خزمەتەکا باش بۆ بەلاڤبوونا نووچەیان کریە، و بیاڤەکێ بەرفرەهتر ل بەر ڤەبوویە کو بگەهتە پتریا خەلکی، نووچە وەکو شێوەک ژ هونەرێن رۆژنامەڤانیێ، ڤەگوهاستنا ڕوودانا ب ستۆیی خوە ڤە دگرت، ڤێجا ڕوودان یا رۆژێ بت یان رۆژا بەری هنگی قەومیبت، چ ل ناڤ وەلاتی یان ژی ل دەرڤەی وەلاتی روودا بت و هاتبتە ئاشکراکرن. هەروەسا بەحسێ نووچەیان ژ ئالیێ کورتی و درێژییڤە هاتیە کرن ل گەل دیارکرنا جۆرێ نووچەی، نموونە ژی ژ ڕۆژنامەیا ئەڤرۆ هاتینە وەرگرتن، دیسا بەحسێ جۆر و زمان و تایبەتمەندیان و قالبێن ل رۆژنامەیا ئەڤرۆ دئێنە بکارئینان هاتیە کرن.