سیاسهتا توركیا بهرامبهری ههرێما كوردستانێ ل 11 ئهیلولا 2001 - 20 ئادارا 2003
Keywords:
هەرێما كوردستانێ، توركيا، ئەمریكا، عیراق، ئوپەراسيونا لەشكەریا هەڤپەیمانا نيڤ دەولەتیAbstract
پشتی ڕودانا 11 ئهیلولا 2001 دهمی هێرشێن تیرورستی بۆ سهر ههردوو تاوهرێن بازرگانی ل نیویورك و وهزارهتا بهرهڤانیا ئهمریكا هاتینهكرن، لێدانا عیراقێ و ژناڤبرنا دهستههلاتێ بهغدا كره بهرنامێ كارێ خویێ سهرهكی، تایبهتی ل سالا 2002 ئهمریكا گهڤێن توند ل دهستههلاتا عیراقێ كرن، لێ د ههمان دهمدا توركیا ئهڤ چهنده ب مهترسی لسهر ئاسایشا نهنهوی یا وهلاتێ خۆ زانی، چونكی ب دیتنا ئهنقهره ئهگهر دهستههلاتا عیراقێ هاته ژناڤبرن دێ دهلیڤهیا دامهزراندنا دهولهتا كوردی ل عیراقێ ژلایێ ئهمریكا و ههڤپهیمانێن وێڤه ب كوردان هێته بهخشین، پاشان دێ كاریگهریا ڕاستهوخۆ لسهر كوردێن توركیا ژی ههبیتن، بۆ داخۆازكرنا ههمان مافێن كوردێن عیراقێ.
لهورا توركیا ههمی ههولێن خۆدان كو ئوپهراسیونا ههڤپهیمانا ب سهروكاتیا ئهمریكا دژی عیراقێ نههێته ئهنجامدان، ژبهر هندێ چهندین دانوستاندن دناڤبهرا ئهمریكا و توركیادا هاتنه ئهنجامدان، بهلێ سهرنهكهفتن، چونكی ئهمریكا یا ڕژدبوو لسهر ژناڤبرنا دهستههلاتا عیراقێ، د بهرامبهردا توركیا گهرهنتیا ئێكپارچهیا ئاخا عیراقێ و دانهمهزراندنا دهولهتا كوردی ژ ئهمریكا دكر، د ههمان دهمدا ئهمریكا ژی دووپاتی لسهر داخۆازێن توركیا دكرن.
