پراکتیزەکرنا رەخنا رەخنێ لسەر تێکستێن رەخنەیى یێن (عبدالرحمن بامەرنى)
Abstract
رەخنا رەخنێ ژ تیورێن نوى یێن رەخنەیى یە پشت بەستنێ ل ناڤا تێکستێ دکەت (تێکستا ئەدەبى و رەخنەیى) و خۆ ژ بریارێن ژ دەرڤە دویر دکەت، ئانکو فاکتەرێن ژ دەرڤە کارتێکرنێ ل رەخنەگرى ناکەن و رەخنەکا بابەتى یە. ب درێژاهیا دیرۆکا وێ کۆمەکا زاراڤان بۆ پەیدابووینە، ل دەستپێکێ میتۆدەک دیارکرى نەبوویە بەلکو دەمێ دوو رەخنە ل تێکستەکێ هاتینە کرن بنیاتێ وێ پەیدابوویە. ئەڤ رەخنە دخوازیتە دووبارە زڤرینێ بۆ تێکستا ئەدەبى (بابەت) و تێکستا رەخنەیى (میتۆد و پێنگاڤ) ب کارێ زێندیکرنا وان رادبیت و تێکستا رەخنەیى یا داهێنایى ژ دەنگێ نڤیسەر و دوو رەخنەگریە. ئەڤ جۆرێ رەخنێ بنەمایێن دیارکرى نینن ئەڤە لگۆرەى ئەوێ تێکست و ئەوێ میتۆدا رەخنەگرى بکارهینایى دمینیت، لەورا ژى پێدڤییە رەخنەگرى شیان و شارەزایەکا پتر ژ رەخنەگرێ ئاسایى هەبیت ژبەرکو پێدڤى ب ئالاڤ و میتۆد و ئاراستێن جودایە. ڤەکۆلینا مە لژێر ناڤێ (پراکتیزەکرنا رەخنا رەخنێ لسەر تێکستێن رەخنەیى یێن عبدالرحمن بامەرنى) هاتییە ئەنجامدان، کو تێدا مە دیارکریە رەخنا رەخنێ ل سنورێ تێکستا ئەدەبى راناوەستیت بەلکو دەربازى خودێ رەخنێ بخۆ دبیت، ئانکو رەخنە بەر ب رەخنێ دکەڤیت و رەخنەکا دى ژدایک دبیت و دەلیڤا رەخنەگرتنێ لسەر ڤێ رەخێ ژى هەیە کو بهێتە ژناڤبرن و ئاڤاکرنڤە، ئانکو کریار ب داوى ناهێت. رەخنەگرێن وێ لدۆر تێکستا ئەدەبى دزڤرن، ژبەرکو سەرەراى تێکستا رەخنەیى؛ دووبارە ل پارچە و لایەنێن تێکستا رەسەن دزڤریت. دیتنا گەلەگ رەخنەگرایە لدۆر تێکست و میتۆدا بکارهاتى. لگۆرەى پراکتیزەکرنا مە ژبۆ تێکستێن مە وەرگرتین، بۆ مە دیاربوویە کو (عبدالرحمن بامەرنى) نەشیایە مفایى ژ رێبازەکا رەخنەیى یا دیارکرى وەربگریت و ب رێکا وێ کارێ خۆ یێ رەخنەیى ئەنجام بدەت.Downloads
Published
2021-08-07
How to Cite
N. Joqy, I., S. Neema, J., & S. Ahmad, H. (2021). پراکتیزەکرنا رەخنا رەخنێ لسەر تێکستێن رەخنەیى یێن (عبدالرحمن بامەرنى). Academic Journal of Nawroz University (AJNU), 10(3). Retrieved from https://journals.nawroz.edu.krd/files/article/view/641
Issue
Section
Articles
