تێگه‌یشتن له‌ چه‌مكى خۆكوشتن لاى قوتابیانى كۆلێژ په‌روه‌رده‌ ئاكرێ

Abstract

ئامانجی ئه‌م توێژینه‌وه‌یه‌ بریتیه‌ له‌ زانین و تێگه‌یشتنی چه‌مكى خۆكوشتن له‌ روانگه‌ى قوتابیانى كۆلێژى په‌روه‌رده‌ی ئاكرێ ,هه‌روه‌ها دۆزینه‌وه‌ى په‌یوه‌ندى ئامارى له‌نێوان هه‌ردوو ره‌گه‌زی (نێر و مێ ) سه‌باره‌ت به‌و چه‌مكه‌ . نمونه‌ی توێژینه‌وه‌ پێكهاتبوو له‌ (2551) قوتابی له‌ هه‌ردوو ره‌گه‌زه‌كه‌ له‌به‌شی زمانی كوردی وه‌كو نمونه‌ی هه‌ڵبژێدراو له‌كۆلێژی په‌روه‌رده‌ی ئاكرێ. پاش ده‌رهێنانی راستگۆیی و جێگیری پێوه‌ره‌كه‌ توێژه‌ران هه‌ڵسان به‌ جێ به‌جێ كردنی كۆتای له‌سه‌ر نمونه‌ی توێژینه‌وه‌كه‌و شیكردنه‌وه‌ی داتاكان به‌ به‌رنامه‌ی ئاماری بۆزانستی مرۆڤایه‌تی(spss) ,ده‌ره‌نجامه‌كانیشی بریتی بوون له‌ وه‌ی كه‌ قوتابیان زۆر بیریان له‌ چه‌مكی خۆ كوشتن نه‌كردۆته‌وه‌ و تێروانینێكی تابیه‌ت و وردیان نیه‌ له‌سه‌ر ئه‌و چه‌مكه‌ ,و هه‌روه‌ها ده‌ركه‌وت كه‌ كوره‌كان زیاتر هۆگرن به‌و چه‌مكه‌و زانیاری باشتریان له‌سه‌ری هه‌یه‌ و وردتر لێكدانه‌وه‌یان بۆ كردبوو.