هەڤڕكيا جڤاكى د رۆمانا "بوهژين" يا (نافع ئاكرەى) دا - بە شێ ئێكێ وەكو نموونە
Keywords:
هەڤركى، ململانێ، چینايەتى، شەرەنيخ، داب ونەريتێن جڤاك، هەژارى، دەستهەلاتا ئاغا وبەگا، دەرەبەگاتىAbstract
هەلبەت رۆمان ب گشتى دەربرينێ ژ كەتوارى دكەت ب هەمى باشى، خرابى، خۆشى ونەخوشێن خۆيێن ژیانێ ڤه و ب چاڤێ كاميرەكا هونەرى وێنەدكەت. روماننڤێس هەولددە ت هەمى وان هێلێن ژیانێ بكەته بابەت دناڤ رۆمانا خۆ دا و ب سادەترين شێوە وان هێلا بكێشيت ئەوێن وێنەكێ رون بەرچاڤ بكەت وئەو نهێنيێن ڤەشارتى ژ زار دەڤێ هندەك كارەكتەرا ئاشكرا بكه ت.
رۆمانا "بوهژين" یا رۆماننڤێس "نافع ئاكرە ى" بەشێ ئێكێ بەحسێ وى جورێ هەڤركيێ دكەت ئەوا مروڤ ژ بۆ بەردەوامیا ژیانێ دكەت، بەحس ل وى سەردەمى دكەت دەمێ ئوروستوكراتيەت وهەبوونا چینايەتيێ دناڤ جڤاكى كوردى دا هەمى سنورێن مرۆڤايەتيێ بەزاندين وستەما ئاغا ونەريتێن جڤاكى بووينه ئەگەر بۆ مرنا خەونێن كەسێن هەژار ورێگرى لێكرتن ل ژیانێ، لەوما كارەكتەرێن رۆمانێ جار ژ هەڤركيەكا جڤاكى بەرەف هەڤرکيەكا خۆدى (الذات) چووينه وجار ژى دگەل دەوروبەرێن خۆ شەرەنيخ كريه، هەروەسا فاكتەرێن سەرەكى يێن پەيدابوونا هەڤرکيێن جڤاكى دزڤرنه بارودوخێن ئابوورى يێن لاواز ونەبوونا پارە وداهاتەكێ گونجاى بو ژیانێ، لەوما تاكەكەس دێ پەنايێ بەتە بەر هندەك رێكێن نەدورست یان يێن دەركەتى ژ داب ونەريتا ئەوا فاكتەرەكێ ديتر يێ هەبوونا هەڤركيا پێێ دهێته هەبوونێ؛ چونكى دمیانا چەسپاندنا وان نەريتان دا گەلەك كەس دبنه قوربان وئەو كەسێن ئەو نەريت داناين -دبيت دبەرژەوەندا وى دابيت- لە وما نەجێبەجێكرنا وان نەريتا ديسان ئالەكێ دى يه ژپەيدابوونا هەڤركيێن جڤاكى. رۆماننڤێسێ رۆمانا "بوهژين" ئەو لايەنه ژبيرنەكريه ئەوا زوربەیا ژیانا مللەتێ كورد گرێداى وێ كەيسێ ئەوژى گرێدانا هەڤركيێ دگەل هەستا نەتەوەى وهەبوونا رێكخستنێن نهێنیێێ دناڤ جڤاكى دا.
