میكانیزم و ههلویستێن گازیكرنا كهسایهتیان د هوزانێن ( رۆژ) دا
Keywords:
هوزان، گازیكرن، كهسایهتى، ههلویست، ماسكAbstract
میكانیزمێن گازیكرنێ ئهو میكانیزمن ئهوێن هوزانڤان ب رێكا وان دشێت ههمى دهم وجهێن دناڤبهرا دهمێ بورى ودهمێ نهۆ و ههڤچهرخدا دهرباز بكهت، داكو ئهوان كهسایهتیان گازی بكهت، ئهوێن ههلگرێن دهلالهتهكا رێككهفتى و گونجاى ل گهل ئهزمونا وى یا هوزانكى. هوزانڤان ئهڤان كهسایهتیان گازیدكهت، داكو ب رێكا وان هزروبوچونێن خو دروستبكهت ل ههمبهر جیهان وكهتوارێ تێدا دژیت، ئهڤه ژ لایهكیڤه وژ لایهكێ دیڤه داكو بشێت دهربرینێ ژ ههست وسوزێن ناخێ خو بكهت. ئهو جوره كهسایهتیه دهێنه گازیكرن، ئهوێن روییهكێ وهكههڤ دناڤبهرا بارودوخێن كهتوارێ دهمێ بورى وبارودوخێن كهتوارێ دهمێ نهۆ و ههڤچهرخدا ههى. د ئهڤى جۆرێ گازیكرنێدا هیچ تێكههلیهك و تێكداچونهك دناڤبهرا كهسایهتیا هوزانڤانى وكهسایهتیا گازیكریدا پهیدا نابیت، بهلكو ههر ئێك ژوان جه وكهسایهتیا خویا سهربهخو دپارێزیت. ئارمانجا هوزانڤانى ژ ئهڤان میكانیزمێن گازیكرنێ ئهوه داكو ل گهل كهسایهتیا گازیكرى باخڤیت یانژى بهحسێ وێ بكهت، ئهڤجار چ ب رێكا میكانیزمان گازیكرنا ناڤێ وێ یان كارێ وێ یان رویدانێن سهردهمێ وێ بیت. واته هوزانڤان دمیكانیزما گازیكرنێدا، ئهڤێ كهسایهتیێ دئێخیته ل ژێر دیتنا خۆیا ههڤچهرخدا وب ئهڤێ میكانیزمێ ژى دشێت كهسایهتیێ ژ چارچۆڤێ وێ یێ مێژوویى دهربێخیت ود ناڤ ههمى رهههندێن دهمێن (بوورى، نهۆ، داهاتی) دا بلڤلڤینیت. ب ئهڤى رهنگى ژى كهسایهتى ب هاریكاریا ڤان میكانیزما دشێت ههمى سنورێن دهمى دهربازبكهت وژ چارچۆڤێ ژینگهه و سهردهمێ خۆهیێ بهرتهنگ و دۆرپێچكریدا دهركهڤیت و د ناڤ ههمى چهرخ و سهردهمێن مێژووییدا ب سهربهستى بزاڤێ بكهت. د ئهڤێ ڤهكولینێدا مه بزاڤكریه ئهڤان میكانیزمێن گازیكرنێ ل سهر هوزانێن دیوانا (رۆژ) پراكتیك بكهین، ود ئهنجامدا ئاشكرابوویه كو پرانیا میكانیزمێن گازیكرنێ ئهوێن هاتینه باسكرن دناڤ هوزانێن ئهڤێ دیوانێ دهێنه پراكتیكرن،چونكى هوزانڤان شیایه ئهوان كهسایهتییان گازیبكهت، ئهوێن ههمان ههلویست وئهزموونا وى ههى، ئهڤهژى ب رێكا گازیكرن و دهرئێخستنا وان ژ ژێدهر و سهردهمێ وان یێ رهسهن وسهرهكێ دهێتهئهنجامدان، چونكى ئهڤ كهسایهتییه دشێن دهربڕینێ ژ ئهزموون و ههلویستێ وى ل بهرامبهر كهتوارێ تێدا دژیت بكهن.
