چێیاتییا ههڤڕكیێ د توخم و تهكنیكا درامایێ دا دهقێ دڕامایا " خهونا سهیدایێ هێژا " یێ (زیاد عابد) وهك نموونه
Keywords:
دڕاما، ههڤڕكی، ئهلهمێنت و تهكنیكێن دڕامایێ، خهونا سهیدایێ هێژا، زیاد عابدAbstract
ئهڤ ڤهكۆلینا ل ژێر ناڤێ "چێیاتییا ههڤڕكیێ د ئهلهمێنت و تهكنیكا درامایێ دا، دڕاما خهونا سهیدایێ هێژا وهك نموونه"، ههولدانهكه ژبۆ دیاركرنا پهیوهندییا توخمێ ههڤڕكیێ لگهل توخم و تهكنیكێن دیترێن دڕامایێ. ژلایێ چێیاتی و باندۆر و ههبوونێڤه، ههردیسان چاوانییا بكارئینانا ههڤڕكیێ وهك ئهلهمێنتهك سهرهكی دگهشهكرنا دڕامایێ دا، پهیوهندییا وێ ب (دهق، روویدان، كارهكتهر، ڤهگێڕان، دهم و جه)یڤه. ژلایهكێ دیترڤه، دگهل تهكنیكێن دڕامایێ وهك (گرێ، دیالۆگ و مۆنۆلۆگ)ێڤه. دڤێ ڤهكۆلینێ دا، دڕاما وهك چهمك و پێناسه، دیرۆك، جۆر، ئهلهمێنت و تهكنیك هاتینه وهرگرتن. ههردیسان ناساندنا چهمكێ ههڤڕكیێ و چاوانییا تێكههڵبوونا وێ دگهل تۆخمێن دیتر یێن دڕامایێ. زێدهباری شرۆڤهكرنهكا پراكتیكی ژبۆ دهق، روويدان، كارهكتهر، ڤهگێڕان، دهم، جه، گرێ، دیالۆگ و مۆنۆلۆگێ دپارچێن دڕاما ناڤبری دا. ب مهبهستا ئاشكراكرنا چێیاتییا ههڤڕكیێ ددڕامایێ دا و پهیوهندییا وێ دگهل ئهلهمێنت و تهكنیكێن وێ. دئهنجام دا دیاردبیت، كو ئهڤ دڕاما مه ب نموونه وهرگرتی، ب شێوهیهكێ سهرنج ڕاكێش و باڵكێش و ژ ئهنجام و سهدهمێن وان ههموو روویدان و دۆخێن كارهكتهر تێدا دهربازبووین و ئاستێ ڤهگێڕانێ و دهم و جهێن وێ و گرێ و دیالۆگ و مۆنۆلۆگان، هێلایه ئهڤ دڕامایا ژدایك ببیت. ب رێكا وێ گاریگهرییا مهزن ئهوا ههڤڕكیێ ههی ل سهر ههموو ستراكچهرێ دڕامایێ. دیاردبیت كو ههڤڕكی بڕبڕا زیندیمانا دڕامایێ یه، پهیوهندییهكا راستهوخۆ و كاریگهر ل سهر ههموو ئهلهمێنت و تهكنیكان ههیه.
