ئیستاتیكا تهكنیكێن مژداریێ د دیوانا (دیمهن) یا قۆچانیدا
Keywords:
ئیستاتیكا، مژداری، هۆزانا نویخواز، دیوانا دیمهن، محسن قۆچانAbstract
هۆزانا نویخوازا كوردی، وهك پێدڤییهكا ژبۆ ههبوونا خۆ، چهندین دیاردهیێن نوی د ئاڤاكرنا پێكهاتا خۆ دا، ب خۆڤه گرتینه. ئهڤ ڤهكۆلینا ل ژێر ناڤێ "ئیستاتیكا تهكنیكێن مژداریێ د دیوانا (دیمهن) یا قۆچانیدا"، ههولدانهكه ژبۆ دیاركرن و ئاشناكرنا دیاردا مژداریێ دناڤ هۆزانا نویخواز دا. ژلایێ چێیاتی و چاوانیێڤه. بهرجهستهكرنا ئهوان بنهمایێن ئهڤ دیاردهیه بخۆڤه دگریت. وهك ئێك ژ دیاردهیێن ههر گرنگ و دیار دناڤ هۆزانا سهردهمدا هاتینه بهرجهستهكرن.
دئهڤێ ڤهكۆلینێ دا، مژداری وهك تێگهھ و پێناسه هاتیه دیاركرن. زێدهباری گرنگیا ئهڤێ دیاردێ د گۆتارا هۆزانا نویخوازدا، ئهو ڕهههندێن بهرفرهھ یێن دبنه سهدهمێ بهرههمهینانا تێكستهكێ فرهواتا و ڤهكری. زێدهباری ئاشكراكرنا بنهمایێن سهرهكی یێن ئهڤێ دیاردێ دناڤ هۆزانێدا و چاوانییا گههاندنهكا ئهپستمۆلۆژی و ئیستاتیكی بۆ كویراتیا ناخێ وهرگری. پشتبهستن ب رێبازا شێوازگهری ژبۆ شرۆڤهكرن و ئهنهلایزهكرنا زمانێ هۆزانێ و تهكنیكێن مژداریێ.
سهرئهنجام، ئهڤ دیاردهییه، دبیته سهدهمێ بهرههمهینانا تێكستهكێ ڤهكری، وهرگر سهر ژنوی بهژداری پرۆسێسا داهێنانێ دكهت و د كویراتییا تێكستیدا نقۆم دبیت. رهههندێن هزری بهرفرههتردبن. ئهڤ ڤهكۆلینه ل سهر دوو تهوهران هاتییه دابهشكرن. تهوهرێ ئێكهمین تایبهته ب ئیستاتیكا مژداریێ وهك تێگهه و گرنگی. تهوهرێ دوویهمین، پراكتیزهكرنا تهكنیكێن وهك زمانێ چر، وێنهیێ لێكدایی، هێما و ئهفسانه. ل سهر چهندین تێكستێن هۆزانا نویخواز، د دیوانا (دیمهن) یا قۆچانیدا. زێدهباری ئهنجام و لیستا ژێدهران.
