باژێڕێ حەران دناڤبەرا هەڤڕکیا مەغول ومەمالیکان ( 658-670مش/ 1260-1272ز)
الملخص
ئەڤ ڤەکولینە پێک دهێت ژ بارودوخێ باژێرێ حەرانێ دناڤبەرا هەڤڕکیا مەغول و مەمالیکان دا دناڤبەرا سالێن (658-670مش/ 1260-1272ز)، ژ هەژی یە بێژین گەفێن مەغولان بو سەر وەلاتێ گزیرتێ ژ باژێرێن وێ حەران پشتی کوشتنا جلال الدین منکبرتی ل سالا (628مش/1231ز) دەست پێکرینە، تاکو شیاین ل سالا (657مش/1259ز) باژێرێ حەرانێ ب داننە بن دەستێ خو.
بەرفرەهـ بونا مەغولان ل گزیرتێ بویە ئەگەرێ پەیدابونا هەڤڕکیێ دناڤبەرا مەغول و مەمالیکان دا ل دەڤەرێ، دەرئەنجامێن ڤێ هەڤڕکیێ باژێرێ حەرانێ توشی گەلەک نەهامەتیا و زیانێن ماددی و مروڤی بووینە، ژ لایێ خوڤە هەر هێزەکێ ڤیایە کونترولێ لسەر باژێرى بکەن، پشتی باژێر کەفتیە بن دەستێ مەغولان، سیاسەتەکا نەباش ژلایێ نوینەرێن وان ڤە دگەل خەلکێ باژێڕی هاتیە کرن، ئەڤ سیاسەتە بویە ئەگەرێ دەرەبەدەربونا خەلکێ وێ بەرەف وەلاتێ ماردینێ و میسل و دەڤەرێن دیتر یێن گزیرتێ، زێدەباری بویە ئەگەرێ توندبونا هەڤڕکیێ دناڤبەرا مەغول و مەمالیکان دا لسەر باژێرێ حەرانێ، و پشتی مەغولان زانی نەشێن لایەنگریا خەلکێ باژێڕی ب دەست خو ڤە بینن و باژێری ژ هەڤڕکیا مەمالیکان ب پارێزن ، ل سالا(670مش/ 1272ز) باژێرێ حەرانێ خراب کریە و دویماهی ب مێژوویا ڤی باژێرێ دویروکی ئینایە.
