پێرفورمانسا زارڤەكرنێ د شانۆگەریێن مونودراماییدا، شانۆگەریا (لە چەشنی ئاو دەرژێم) وەك نمونە
الكلمات المفتاحية:
مونودراما، پێرفورمانس، ئەكتەر، شانۆگەری ، روَلالملخص
مونودراما هونەرەكە ژ هونەرێن درامی و جورەكە ژ جورێن شانۆیا ئەزمونگەری، ئەوا د ماوێ چەرخێ بیستێ دا هاتیە پێش ئێخستن و بەرهەڤبوون كو ژ ئێك كەسیەتی پێك دهێت ئەو ژی ب رێكا ڤەگێرانێ بۆ گرێدانا رویدانەكێ، ژ لایەكێ دیڤە ب یتنا گەلەك كەسان شانۆگەریەكا تمامە ل سەر ئێك ئەكتەری دمینیت، چ ئێك رول هەبیت یان چەندین رولا بكەت ب بێدەنگی بیت یان دیالوگ هەبیت، بەلێ ئەڤ جورە كارە ل سەر شیان و گونجاندنا هونەرمەندی رادوەستیت ب تایبەت شیانێن ئەكتەری چ كور یان كچ بیت ل سەر دەپێ شانۆیێ، بۆ هندێ داكو حەژێكرن و دلینیا بینەری ب دەست خۆڤە بینیت، هونەرێ مونودرامایێ پتر فوكسا ئەوی ل سەر نەخوشیێن تاكەكەسی و هەلچونێ و دەروونێ مروڤینە، ئەڤە ل سەر دەپێ شانۆیێ د هێنە نمایشكرن و هونەرمەندێ شانۆكار بابەتی ژ ژیانێ وەردگریت، ل دوماهیكا كارێ خۆ ئەوان نەخوشیێن تاكەكەسی ل سەر دەپێ شانۆیێ نمایش دكەت و ل رزگاركرنێ دگەریت، ژ گرنگترین سیمایێن ئەڤی جورێ شانۆیێ داكوكیكرن ل سەر تاكەكەسی بوو، هەر ل دەستپێكا هەبوونا ئێك ئەكتەری ل سەر دەپێ شانۆیێ بەرهنگاریا بینەری دكەت، هەتا بینەری رازی بكەت ژ ئەوا ئەكتەر پێشكێش دكەت. هەروەسا ئەكتەری هزر دكر ئەو ب تنێ و تاكەكەس و ناخێ ئەوی یێ ل سەر دەپێ شانۆیێ راوەستیایە، هەمی تشت ژ لایێ ئێك ئەكتەریڤە دهاتنە ئەنجامدان، لەورا دڤیابا داكوكیا ئەكتەری پتر ل سەر رویدانێ با، زێدەباری هەڤركیا نافخویی ژ گرنگترین سیمایێن مونودرامایێ یە، چونكی پێشڤەچوونا رویدانێ ب رێكا ئێك كەسی هەولدانا ب رێكا دەروونێ خۆ د كەت، ئەڤجا ئەو هەڤركیا ناڤخویی ل گەل ئەوێ ناكوكیا د كارێ هەڤپشكدا ل گەل كومەكا كاری ئەكتەران پێرفورمانس دكەت، ل ڤێرێ مونودراما وەل هونەرمەندی دكەت كو گرنگیێ ب رزگاربونا تاكەكەسی پتر ژ رزگاكرنا كومێ بدەت.
