خواندنا تێکستا( دێ ب چاڤێن زاڕۆكەكا جوان بێژم ) یاهوزانڤان(هزرڤان عەبدوللا) ل دویڤ تێگەهێ (ئیستراتیژیەتێ) ل دەڤ )ئایزەر(ی
الملخص
تێگەهێ ئیستراتیژیەتێ ل دەڤ ئایزەری ل سەر بنەمایێ نەخشەكێشانا سنۆران بۆ ئاڤاكرنا بابەتێ دەقێ و واتایا وێ دهێتە ئاڤاكرن، هەروەسا هەر تشتەكێ گرێدایی ب مەرجێن گەهاندنێ و بۆ زانینا گرنگییا ڤی تێگەهی و چەوانییا كاركرنا ئەڤێ ئیستراتیژیەتێ، پێدڤییە ل سەر مە كو ئەم جودا و دویر كەین ژ دەقی ب خۆ، د ڤێرەدا دێ تێگەهێ وێ ل دەرڤەی دەقی زانی، ئەڤەژی دێ رێكێ دەتە مە بو زانینا رۆلێ وێ د ناڤ دەقێ ئەدەبیدا. ئایزەر دبێژیت: ئەو پەیوەندییا د ناڤبەرا ئەو تشتێ سەرڤە و ئاشكرا و میتا دەقێ یاسایەكی بۆ هەر ئیستراتیژیەتەكا دەقی، مادەم مەرجەكێ سەرەكی بیت بۆ هەر تێگەهشتەنەكێ، لەورا پێدڤییە ل سەر ئیستراتیژیەتێن دەقی كو رێكخستنا وان پەیوەندیێن نافخویی یێن دەقی بكەت، ئەو بابەتێ ئەدەبی ییت كو كریارا خواندنێ ل دویڤ وەرارێ دكەت. تێگەهێ (ئیستراتیژەتێ) كو ئێكە ژ گرنگترین وان تێگەهان ل دەڤ (ئایزەر)ی كو پێرابوونێن ڤی تێگەهی یێن هەرە سەرەكی، ئەوە كو گرنگیی ب ئیستراتیژیەتا خواندەڤانان ددەت دەمێ هەر دەقەكێ شعری شلۆڤەدكەن، مە د ڤێ ڤەكولینێدا بزاڤ كرییە ئەڤی بنەمایی ل سەر دەقەكێ شیعری یێ نویخواز پراكتیزە بكەین، ئەوا لژێر ناڤونیشانێ ( دێ ب چاڤێن زاڕۆكەكا جوان بێژم ) یا هوزانڤان(ھزرڤان عەبدوللا) و ئەم پێدڤی ب وێ چەندێ بووین كو چەند لایەنێن تێکشکاندنا ( ئئیستراتیژیەتێ) كو ئەوژێ ژ دوو قوناغێن سەرەكی (پرسیارێن قوناغا بەری شلۆڤەكرنێ و قوناغا پشتی شلوڤەكرنێ) پێك دهێن، ل دەڤ دەقێ شاعرێ ناڤبری وەربگرین.
ژبەر ئەوا ل سەری مە دیاركری، مە سێ جۆرێن خواندەڤانان هەلبژارتینە (مامۆستایێ زانكویی، رەخنەگرەكێ ئەدەبی، قوتابییێ زانكۆیی) و ئەڤ بنەمایێ مە ئاماژە پێدایی ب هەموو سروشت و رەهەندێن وێڤە مە هندەك پرسیار ئاراستەی هەر سێ جۆرێن خواندەڤانان كرینە.
