سەربورا دەرهێنانا شانۆیێ دناڤبەرا گەشەکرن و بجهئینانێدا نمونە ( روبرت ویلسون 1941- 2020 )
الملخص
شانۆگەری ژ چەندین ئەلەمێنتان پێکدهێت ، و دقوناغێن سەربوورا خۆدا پيڤەرێ بکارئینان و رێزبەنکرنا ئەوان گهورین ب خۆڤه ديتییه ل دويڤ ئالوزبوون بەرفرەهبوونا پروسا شانۆگەریێ ، قوناغ ل دويڤ قوناغێ دەرهێنان پتر هاتيه پێش و سەربەخویا خۆ وەرگرتيه ، و دەرهێنەر بويه ئەندامەکێ كارا د ناڤ پروسا شانۆگەريێدا ، و د نمایشا شانۆیا نويدا دەرهێنان بوويه پێتڤیەكا زور گرنگ، بەلکی بوويه ستینا سەرەکيا پروسا ئاڤاکرنا ڤالاهيا نمایشێ و كارێ دەرهێنەری سنورێن لاسايێن ئاڤاکرنا هەر نمایشەکێ يێن بەزاندن و دەرئەنجامێ وێ پێشکەتن دناڤ جيهانا شانۆيێدا چێبووی و گهورین کەته ديتنا دەرهێنەری بۆ چەوانيا وێنەکرن و ئاڤاکرنا هەر تابلويەكا دیمەنێ شانۆیێ و بەرفرەهی کەته رەهەندێ بیرکرنێ د ناڤ مەيدانا ئاشوپيدا ل دەڤ دەرهێنەری، زێدەباری ديتنێن بێ دوماهيک و د گەل خوئاڤاکرنێ ژ بۆ خۆ گونجاندن دگەل نویاتیێ و پێشکەتنا زانستی و پێشڤەچوونا پروسێ، ئاستێ شيانێن ئاڤاکرنا دیمەنی نمایشێ و ب كارئینا کەرەستان گەلەك ژ یا د هاته پێشبینيکرن بۆ ديتنێ مەنزتر لێ هات . دەرهێنەر ( ڕۆبرت ويلسون ) ئێک ژوان دەرهێنەرانه يێن ئاراستێ شانۆگەریێ بەرەڤ نمایشێڤەبری ، و ب هویری لسەر ئەلەمێنتێن ئاڤاکرنا نمایشێ راوستیایی، زێدەباری مفا ژ تەکنەلوژیا و پێشکهفتنا زانستی ديت ژ بۆ پرکرنا ڤالاهيا نمایشێ ب جوانترین وێنه ، د گەل ب كارئینانا زمانێ لڤینێ ژ بۆ ئاڤاکرنا پێکئينان و پێکهاتەيێن وێنێ دیمەنی، و ئەڤ ديتنا نوی بۆ دەرهێنانێ بۆ سەربوور بۆ چەندین ئەزمونێن نوی ل سەرانسەری جيهانێ.
