نفشگەرایی د زمانێ کوردیدا - گوڤەرا بەهدینی
الكلمات المفتاحية:
. نفش، نفشگەرایی، زمانڤانیا نفشی، ژن، زەلام، کەلتوورالملخص
زمان وەکو سیمایەکێ كەلتووری، هەر وەکی چەوان دشێت ڤەژەنا پرسگریکێن کەلتووری بیت د هەمان دەمدا دشێت پێکهێنەرێ کەلتووری ژی بیت. نفش ژی ئێکه ژ سیمایێن سرۆشتی و جڤاکیێن مرۆڤی لەورا باسککرنا وێ د ڤەکۆلینێن كەلتووری و زمانڤانیدا گرنگیا خوه هەیه. بابەتێ زمان و نفشی، ثاماژه ب پەیوەندیا د ناڤبەرا زمان و نێرینا بکارهێنەرێن وی زمانی لدور ژن و زەلامی ددەت. گەلەك جاران، تایبەتمەندیێن فیزیکیێن ژن و زەلامی، کاریگەری لسەر بڕیارێن جڤاکی هەیە، و بهایێن جیاوزا ددەته هەر دوو نفشێن نێر و مێ. هەر چەندە پەیڤێن (ژن) و (زەلام) بۆ جیاوازیێن بایۆلۆژیێن ڤان هەر دوو نفشان دزڤریتەڤه، لێ بکارهێنانا ڤان هەر دوو زارافان گەلەك جاران بو جیاوازییا بایۆلۆژی نازڤریتەڤه و بتر بۆ وان جیاوازیان دزڤریتەڤه یێن جڤاکی دەستنیشاکرین. وانه بو وان تشتان بێن جفاك دسەپینیت و دخوازیت هەر دوو نفش ب وی شێوەی هەلسوكەوتێ بکەن، ئەف جیاوازیه پتر ز جۆری کەلتوورینە. ئەف ڤەكۆلینه پێكولێ دکەت زمانێ کوردی - گوفەرا بەهدینی ژلایێ نفشیڤه باسبکەت و باسی نفشگەرابوون یان نفشگەرانەبوونا وێ بکەت. ڤەکۆلین د بیاڤێ (زمان و هزر)ێدا ولسەر بنەمایێ (تیورا زورداری د زمانیدا) دهێته ئەجامدان کو تێدا باسی ستەمکاریا زمانێ دکەت. ئەڤ تیۆرە باسی کاریگەریا کەلتووری و جڤاکی لسەر نەیەکسانیا نفشی دکەت.
