شیعرییه‌تا ناڤونیشانى د تێكستێ چیڕۆكێدا (كۆمه‌له‌ چیڕۆكا: مه‌یدانا كووچكان یا ئیسماعیل هاجانى وه‌كو نموونه‌) (مستل)

الملخص

ئه‌ڤ ڤه‌كۆلینه‌ هه‌ولدانه‌كه‌ ژ بۆ دیاركرنا شیعرییه‌تا ناڤونیشانى دناڤ تێكستێ چیڕۆكێدا و كانێ چه‌وانێ ناڤونیشانێ گشتیێ كۆمه‌له‌ چیڕۆكێ ره‌نگڤه‌دانا خوه‌ دناڤ هه‌مى ناڤونیشانێن ناڤه‌كیێن هه‌ر چیڕۆكه‌كێدا به‌رجه‌سته‌دكه‌ت و ناڤونیشانێن هه‌ر چیڕۆكه‌كێ چه‌وانێ ره‌هه‌ندبوونا خوه‌یا ده‌لالى دناڤ تێكستێ چیڕۆكێدا ئاراسته‌دكه‌ت.

د ئه‌ڤێ ڤه‌كۆلینا بناڤونیشانێ(شیعرییه‌تا ناڤونیشانى د تێكستێ چیڕۆكێدا: كۆمه‌له‌ چیڕۆكا:مه‌یدانا كووچكان یا ئیسماعیل هاجانى وه‌كو نموونه‌)،مه‌ د ته‌وه‌ره‌كێدا باسێ زا راڤ و تێگه‌ه و پێنا شیعرییه‌تێ كریه‌ و د ته‌وه‌رێ دیتردا،مه‌ زاراڤ و تێگه‌ه و گرنگى و ئه‌ركێن ناڤونیشانى كریه‌.د پشكا پڕاكتیكیدا، مه‌ ناڤونیشانێ سه‌ره‌كیێ كۆمه‌له‌ چیڕۆكێ شلۆڤه‌كریه‌ و پاشى مه‌ ناڤونیشانێ ناڤه‌كیێ(5)چیڕۆكان شلۆڤه‌كریه‌ و نموونه‌ ژناڤ تێكستێ هه‌ر چیڕۆكه‌كێ ئیناینه‌ و د ئه‌نجامكدا بۆ مه‌ خویابوو كو ناڤونیشانێ ئه‌ڤێ كۆمه‌له‌ چیرۆكێ شیایه‌ ده‌ربڕینێ ژ ئه‌وان هه‌ر(5) چیڕۆكێن مه‌ شلۆڤه‌كرین بكه‌ت و ناڤونیشانێن ناڤه‌كیێن ئه‌وان(5)چیڕۆكان شیانه‌ ببنه‌ خودیك بۆ تێكستێ ئه‌وان چیڕۆكان و ناڤه‌ڕكا بابه‌تێ ئه‌وان چیڕۆكان لناڤخوه‌ گرتینه‌.