رۆلێ مالباتا نەهری د دیرۆكا كوردیدا 1820 – 1883ز (ژ ناما ماستەرێ ھاتیە وەرگرتن)
Keywords:
نەهرێ، شەمزینان، سەید تەها، شێخ عوبەیدولا، عوسمانیAbstract
مالباتا شێخێن شەمزینان،خوجهێن گوندێ نەهرێ ل هەرێما شەمزینانا باكورێ كوردستانێ بوون، ئەڤ مالباتە د دەسپێكێ دا گرێدای رێبازا قادری بوینە، بەلێ پشتی ئاكنجیبونا وان ل گوندێ نەهرێ، و پەیوەندیكرنا وان ب مەولانا خالدێ نەقەشەبەندی، بوینە ژ كارێگەرترین شێخێن رێبازا نەقشەبەندی، ڤێ مالباتێ رولەكێ كاریگەر د دییروكا كوردی دا ب تایبت ل چەرخێ نوزدێ دیتیە، ژلایێ جڤاكی و سیاسی ل هەردوو پارچێن كوردستانا ژێر دەسەلاتا عوسمانی و قاچاری. زێدەباری پێگەهێ ئاینی یێ ڤێ مالباتێ، بەلكو ئەو گوھۆرینێن ل چەرخێ نوزدێ دا پەیدابوین، ب تایبەت سیاسەتا ب ناڤەندیكرنێ ژلایێ عوسمانیان، بو ئەگەر شێخێن نەهری ببنە پێگهورێ مێرنشینێن كوردی،و بشێن كارتێكرنا خۆ د ریدانێن چەرخێ نوزدێ دا ل هەردوو پارچێن كوردسانێ ل روژهەلات و روژئاڤا دیاربكەن، دیسان ببنە جهێ ئومیدا كوردان ب تایبەت د شورەشا 1880 ب سەروكاتیا شێخ عوبەیدولایێ نەهری.
