رەنگڤەدانا رویدانێن سالا ١٩٢٥-١٩٢٦ ێ ل دەڤەرا گویان د روژنامەگەریا کوردی دا:(ژیانەوە، ژیان) نموونه
Keywords:
دەڤەرا گویان، ژیانەوه، ژیان، مێژوو.Abstract
سەرەرای ئەڤێ چەندێ کو رویدانێن دەڤەرا گویان یێن سالاه١٩٢-١٩٢٦ێ،کارتێکرنەکا مەزن کریه ل سەر هەلویستێ کومەلا گەلان سەبارەت بریاردان ل دوور جارەنڤیسێ ویلایەتا میسل وئێکلاكرنا ئەڤئ دوسیێ دبەرژەوەندییا شاهنشینا عیراقێ دا، لاوازکرنا هەلویست و گروڤەیێن تورکیا ل هەمبەر هەڤرکا وێ (بریتانیا)، لێ ئەف رویدانه نەهاتینه تومارکرن د ژێدەرین مێژوویی دا،هەروەسا ج گرنگی ژ لایێ مێژوونڤیسێن وی سەردەمی پێ نەهاتییه دان، ئەف رویدانه نه بووینه بشکەك ژ دیروکا تومارکریا مللەت کورد دڤئ قوناغێ دا. ل ڤێرە گرنکییا روژنامەگەریێ دەردکەفیت کو زوربەیا جاران بویه گەنجینەیا پاراستنا رویدانێن مێژوویی، و دبنه ژێدەرین رەسەن بو دەرخستنا راستیان ،نه خاسمه کو ژێدەرێن دیتر بێدەنك ماینه ل هەمبەر تومارکرنا ئەڤان رویدانێن لی دەڤەرا گویان رویدایین، دڤی بواری دا روژنامەیا (ژیانەوە، ژیان)، تاکه ژێدەرێن تومارکرنا رویدان و بەلافەکرنا بەڵكەنامەو راپورتێن دەگمەنن ل دور چەوانییا ئەجامدانا کوشتارین سالا ١٩٢٥-١٩٢٦ی ل دژی مەسیحی و کوردین گویان ،ب توببارانکرنا دەڤەرێ وگرتنا خەڵکی سفیل و ب رێقەبرنا دادگەهێن لەشكەری و ئەنجامدانا سيدارەدانێن ب کوم و ڤەگوهاستنا ب زووری دژی خەڵکی دەڤەرا گویان د چارچوڤەیێ پەیرەوکرنا سیاسەتا پاککرنا رەگەزی و ئەنجامدانا کارین هوڤانه ل دەڤەرا گویان ژ لایێ حكومەتا توركياڤه.
