بزاڤا رۆژنامەگەریێ ل دەڤەرا بەهدینان 1970–1994 (ڤەكولینەك ژ ناما ماستەرێ هاتیە وەرگرتن)
Keywords:
رۆژنامەگەری، رۆژنامە، گۆڤار، بەلاڤۆك، دەڤەرا بەهدینانAbstract
بزاڤا رۆژنامەگەریێ ل دەڤەرا بەهدینان پشتی جەنگێ جیهانی یێ دووێ دزڤریتەڤە بو بزاڤێن وان كەسایەتێن دەڤەرا بەهدینان، كو ل دەڤەرێن دیێن كوردستانێ رۆژنامە و گۆڤار و بەلاڤۆك دەرئێخستینە. و پشتی شۆرەشا چواردەی تیرمەها 1958ێ ل عیراقێ، قووناغەكا نوی پەیدابوو لسەر ئاستێ رۆژنامەگەریێ و ئازادیا بیروباوەرا بەلێ دیسان رۆژنامەگەری ل دەڤەرا بەهدینان پێشڤە چوون بخوڤە نەدیت ئەوژی ژ ژ ئەگەرێ گرێدانا قەزایێن كوردی ب لیوا مووسل ڤە, و پشتی بەیانا یازدەی ئادارا 1970ێ دەلیڤا پێشڤەچوونا رۆژنامەگەریێ ل كوردستانێ دا پەیدابوو بەلێ دیسان بارودۆخ ل دەڤەرا بەهدینان بو بەرەف پێشڤەچوونا رۆژنامەگەریێ گەلەك د هاریكار نەبوون،و ژ بەر ڤێ چەندێ نڤیسەر و رەوشەنبیرێن دەڤەرێ ل جهێن دیتر بەشداری دبزاڤا رۆژنامەگەریێ دا دكرن. و پشتی سەرهلدانا سالا 1991ێ رۆژنامەگەری ل كوردستانێ كەڤتە د قوناغەكا نوی دا، و شورەشەكا رەوشەنبیری و رۆژنامەڤانی سەرانسەری دەڤەرێن كوردستانێ ڤەگرت و ئەو ئازادییا ژ ئەگەرێ سەرهلدانێ پەیدابووی كارڤەدانەكا ئەرینی لسەر گەشەكرنا چاپەمەنیێ كر و بوو ئەگەرێ دەركەڤتنا ژمارەكا زورا رۆژنامە و گۆڤار و بەلاڤۆكێن هەمەجۆر ل دەڤەرا بەهدینان و وەكو شورەشەكا رەوشەنبیری سنوورێن پارێزگەها دهۆكێ ڤەگرت هەرچەندە ئەڤ بزاڤە توشی ئاستەنگەكا مەزن بوو, ئەوژی ژ ئەگەرێ نەبوونا چاپخانەیا ل دهۆكێ, بەلێ ل نیڤا دووێ ژ سالێن نۆتان ئەڤ ئاستەنگە هاتە چارەسەركرن.
