هەڤبەركرنا كێشێ د ناڤبەرا هۆزانا كێشدارا فۆلكلۆری و نوییا دەڤەرا بادیناندا
Keywords:
كێشا هۆزانا خۆمالی، كێشا هۆزانا فۆلكلۆری، كێشا هۆزانا نوی، هەڤبەركرنAbstract
ئەڤ ڤەكۆلینا ل ژێر ناڤونیشانێ (هەڤبەركرنا كێشێ د ناڤبەرا هۆزانا كێشدارا فۆلكلۆری و نوییا دەڤەرا بادیناندا) هەولەكە بۆ دیاركرنا كارتێكرنا هۆزانا فۆلكلۆری ل سەر هۆزانا نوی ژ لایێ كێشێڤە، كو لایەنێن وەكهەڤی و جیاوازیێن د ناڤبەرا هەردوو قوناغێن هۆزانا خۆمالیدا ب نموونە و رێژەڤە هاتینە دیاركرن، چونكی یا خۆیایە هۆزانا نوی ل ژێر كارتێكرنا هۆزانا فۆلكلۆری هاتیە نویكرن، ب تایبەتی ژ لایێ كێش و ریتمانڤە، ئانكو ئەركێ مە د ئەڤێ ڤەكۆلینێدا دیاركرنا سروشتێ ئەڤێ كارتێكرنێیە ل دویڤ نموونەیێن هەردوو قۆناغێن هۆزانێ و شلۆڤەكرنا نموونەیان، دیسان دەرئێخستنا هژمارە و رێژەیان داكو ب رەنگەكێ زانستی ئەڤ كارتێكرنە بهێتە پیچشچاڤكرن.
ڤەكۆلین ل دویڤ ڕێبازەكا (وەسفی / ئاماری) هاتیە ئەنجامدان و هژمارە و رێژەێن سەدی بۆ كێشا هۆزانا هەردوو قۆناغان هاتینە پێشچاڤكرن، كو تێدا جیاوازی و وەكهەڤیێن هەر دوو قوناغێن هۆزانا خۆمالی ل دویڤ ئامارێن زانستی دیار دبن. ڤەكولین ژ دوو پشكان پێكدهێت, پشكا ئێكێ یا تایبەتە ب كێشا خۆمالیڤە د ڕەخنا كوردیدا, د پشكا دووێدا ب شێوەیەكێ پراكتیكی هۆزانێن هەر دوو قوناغا ژ لایێ كێشێڤە ل گەل ئێك هاتینە بەراورد كرن, بۆ دیاركرنا ئاستێ وەك هەڤی و جیاوازیا هۆزانا فۆلكلۆری و هۆزانا نوی.
