ئێستاتیکا پێکهاتەیا وینەی درۆمانا (بوهژین) دا يا رۆماننڤيس (نافع ئاكرەى)

الملخص

وێنه و ئێستاتیکا وێنێن رەوانبێژی و هەستداری ب شێوەکی گشتی ئەو وێنێن نەراستەوخۆنه ئەوێن هندەک پەیڤ و دەستەواژه رامانا ویی یا رەسەن ل پشت خوه دڤەشێریت .کەواته پەیف هەلگرا پتر ژ رامانەکێیه و ئەڤه دبیته فاکتەر بو دورستکرنا وێنێن رەوانبێژی و ئێستاتیكی. لەورا دەركەتنا هەر پەیڤەکێ یان دەستەواژەکێ لژێر رێرەوا خوه یا رەسەن و لادان ب خوەڤه گرت وی دەمی مەرج نينه واتایا وێ یا رەسەن پێ بهێته دیارکرن، بەلکو دێ د چارچوڤێ پەیڤەکا داپوشی بیت ب هەندک واتایێن دیتر. ئەفجار هەر ژ وی دەمی رۆمان کەتیە بەردەستی خاندەڤان و رەخنەگران نەخاسمه پشتی دەرگەهێن نوکرنێ بو هاتینه ڤەگرن دەروازەیەکا دیتر یا ئێستاتیکی بەرامبەر رۆمان و رۆمانڤێسی ڤەکر، ئەڤ چەنده دەلیڤەیەکا دیتر بوو بۆ ڤەكولەر ورەخنەگرێن رۆمانێ کو دمیانا وان ستراكچەرێن زمانى ئاست وشێوازێن جوانكاری و ئەپستمەولوژی یێن دەقێن رۆمانێ شلوڤەبکەن هەروەسا دێ دمیانا وان شلوڤەکرنا دا وێنه و تابلویێن وێنەکری ب پەیڤا رۆماننڤێس دن پێشکێشی خاندەڤانی کەت. رۆمانا (بوهژین) و ئەف فەکولینا ل ژێر ناف و نیشانێ (ٹێستاتیکا پێکهاتەیا وێنەی درۆمانا (بوهژین) دا یا رۆماننڤیس (نافع ئاكرەی) بەرجەستەکرنەکا راستەوخۆ یا هەردو جورێن وێنێن رەوانبێژی ووێنێن هەستکرنێ هاتیەکرن و رۆماننڤێس شیایە ب شێوەکی هونەری وێنا بەرچاف بکەت کو ل دەمێ خاندنا رۆمانێ وێنێ وی سەردەمی د مێشکی خاندەڤانیدا رەنگڤەدەت.