ژ بارزان تا مهاباد ڤەكولینەکا مێژوویی یه لدۆر رەوشا سیاسی و کومەلایەتی یا بارزانییان دناڤبەرا سالێن (١٩٤٣- ١٩٤٦)
الكلمات المفتاحية:
.بارزان، مهاباد، شورەش،، کارەساتالملخص
شورەشا بارزان یا دووێ ١٩٤٣-١٩٤٥ رەنگفەدانا ئەوی بارودۆخی نه ئارام بوو یێ ژلایێ سیاسی و کومەلایەتی و ئابووری کوردستان ب گشتی و دەڤەرا بارزان ب تایبەتی هەر زژسالا ١٩٣١ - ١٩٤٣ تێدا د بووری، مینا زۆلم و زۆرداریا کاربەدەستێن حكومەتی ل خەڵكی خۆجهێ بى دەستهەلات دکر و بێ بەهرکرنا وان ل کیمترین مافان. هەروەسا دویر ئێخستنا مالباتا شێخی بارزان بو باشوورى عيراق دەلیڤه خۆشکر بۆ زۆرداریا ئاغایان، بەلێ لجهێ باشترکرنا وێ رەوشێ دەسهەلاتدارێن عیراقێ بهەفكاری دگەل هێزێن بریتانی و چەتێن كوردا وەكی هەرجار ب شێوەكى بەرفرەهـ هێرشكره سەر دەڤەرا بارزان و شیان ئەوێ شوړەشی بدۆماهی بینن. دەرئەنجامێن ئەڤێ شورەشێ لسەر خەڵکێ سڤیل گران راوەستان، ب هزاران ژ وان بەرەف دەڤەرێن چیایی و سنورێن کوردستانا رۆژهەلات کوچبار بوون و وەکو پەنابەر هاتنە وەرگرتن و دابەشکرن لسەر گوندێن دەردورێن مهاباد، لی نێزكنی نیڤا وان بوونه قوربانیێن شەر و نەخۆشییان و نەزڤرینەف وەلاتێ خۆ.
