لادانێن سیمانتیكى ژ لایێ ئهركیڤه د هۆزانا نویخازا كوردیدا هۆزانێن (هزرڤان)* وهكو نموونه
Keywords:
لادان، لادانێن سیمانتیكی، ئەركێن لادانێن سیمانتیكی: دانەپاڵ، دەستنیشانكرن، گەهاندنAbstract
لادان ب ئێك ژ میكانێزمێن ههره گرنگێن هونهرى و ئیستاتیكى دهێته زانین، ڕۆلهكێ كاریگهر د ئافڕاندنا هۆزانێدا ههیه. لادان د چهندین ئاستاندا كار دكهت؛ ئاستێ سیمانتیكى ب ئێك ژ ئهوان ئاستێن زمانى دهێته ههژمارتن، ئهوێن ل ژێر ڕۆناهییا دیاردهیا (لادان)ێ، كریارا داهێنانێ د هۆزانێدا ئهنجامددهت، ژبهركو د ئاستێ (سیمانتیك)یدا، زێدهتر گرنگى ب واتایا دهوروبهرێ پهیڤان دهێته دان نهك واتایا فهرههنگییا پهیڤان. بێگومانه لادان د ئاستێ (سیمانتیك)یدا، ژ چهند كوژیهكان دهێته دابهشكرن، ئێك ژ ئهوان كوژیێن لادانێن (سیمانتیكی)ی، ژ لایێ ئهركیڤهنه، كو ههر سێ هونهرێن (دانهپاڵ، دیاركرن، گههاندن) ب خۆڤه دگریت، ئهڤ ههر سێ هونهره ئهركێن لادانین سیمانتیكى ددهنه دیاركرن و ههر ئێك ژ ئهڤانا ڕۆلهكێ دیاركرى و جودا دبهرههمهینانا واتایێن ڤهشارتیێن ل پشت پهیڤێن هۆزانێدا ههیه.
