پراکتیزەکرنا بنەمایێن تیۆرا ڕەخنەیا مێژوویی ل سەر هەردوو دیوانین (ستران و بەفر و ئاگر) یا موئەیەد تەیب و(ليڤەنابم) یا رێكێش ئامێدیی
Keywords:
سەرهلدان, تیورا ڕەخنەی, زینگەهـ, سەردەمAbstract
هەر ل دەستپێنکا پەیدابوونا تیۆرین ڕەخنەیی یێن نوی، ئارمانجا ئەفان تیۆران ڤەکۆلین و ڕاڤەکرنا دەقی ئەدەبی ب شێوەیەکێ زانستی و ل دویڤ بنەمایێن دیارکری. تیۆرا ڕەخنەیا مێژوویی ب ئێکەم تیورا ڕەخنەیی یا نوی دهێته هژمارتن، کوخودان ڕابەر و کۆمەکا بنەمایێن دیارکرییه. ئەف تیۆرە پەیوەندییا دەقی ب دەرڤەیی دەقیڤه فەدکۆلیت. تیۆرین ڕەخنەیی ب شێوەیەکی گشتی ب سەر سی قۆناغاندا دابەشبووینە: قۆناغا گرنگیدان ب لایەنێ ژ دەرڤەی دەقی، وەکی: ژیانا نقیسەری و بارودۆخێن دەوروبەر و كەتواری جڤاكی و ڕویدانێن مێزوویی، كو پیڤەرن ژبۆ ئەنجامدانا برۆسەیا ڕەخنەیى، ئەفەژى گرێدای ڕەخنەیا مێژوویی، دەروونی، جڤاکی.هتد قۆناغا گرنگیدان ب لایەنی ناڤخۆیا دەقی ئەدەبی، ئەڤێ ل جەرخێ بیستێ دەستپێکر وەکی ڕەخنەیا بونیادگەری، ڕەختەیا نوی و فۆر مالیستێن رۆس ... هتد قۆناغا گرنگیدان ب ڕۆلی خواندەڤانی وەکی ڕەخنەیا سیمۆلۆژی، هێرمۆنتیکا، هەلوەشنگەری، تیۆرا وەرگرتنی ... هند تیۆرا ڕەخنەیا مێروویی گرێدای قۆناغا ز دەرفەی تێکستییە، ڕویدانێن مێژووی وسياسى و جفاكی دكەته ئالافەك ژبۆ ڕافەكرنا دەقێ ئەدەبی، ب دیتنا ئەڤێ تیۆرێ دەق ڕەنگڤەدانا ژیانا نڤێسەرییە، نڤیسەر ژی ئاوێنەیا ڕەوشەنبیریا سەردەمی خۆیە، ڕەوشەنبیری ژی ژ دەرئەجامێ ژينگەهێ پەبدادبیت و ژینگەهـ ژی بەشەكه ژ مێژوویێ. كەواته تیۆرا ڕەخنەیا میژوویی د پرۆسەیا رەخنەییدا دوپاتیێ ل سەر ژیانا نڤێسەری و ئەو ژینگەهـ و بارودۆخێن تێکست تێدا دەربازیووی دكەت. د ئەڤئ فەكۆلینێ دا دوو دیوانێن هۆزانان هاتینه وەرگرتن، ئەوژی دیوانا (ستران و بەفرو ئاگر) یا (موئەیەد تەیب) و دیوانا (لێڤه نابم) یا (ڕیکێش ئامێدی) کو ل دویف هەرسی بنەمایێن تیۆرا ڕەخنەیا مێژوویی (سەردەم، ژینگەهـ ، ڕەگەز) هاتینە شرۆڤەکرن. ئارمانجا ئەڤێ ڤەكۆلینێ دیارکرنا ڕەهەندێ مێژوویی یه ل سەر دیوانێن ئەڤان هەردوو هۆزانڤانان، کو ژ ئەنجامێ شرۆڤەکرنا مه بۆ هەردوو دیوانان، بنەمايێن ڕەخنەیا مێژووی پێکهاتەیەکا سەرەکی بوویه ز ئافراندنا هزری و ئایدۆلۆژی یا ئەوان هۆزانان.
