زمانێ هۆزانێ دهۆزانێن " رەمەزان عیسا "ى دا دیوانا " ژفەلسەفا بەرخودانێ " وەك نموونه
Keywords:
ئهدگار، زمانێ هۆزانێ، هۆزانا نویخواز، رهمهزان عیسا، ژفهلسهفا بهرخودانێAbstract
ئهڤ ڤهكۆلینه ههولدانهكه ژ بۆ دیاركرنا چهوانیا بكارئینانا زمانێ هۆزانا نویخواز، دناڤ تێكستێن هۆزانڤان "رهمهزان عیسا"ى دا و دیوانا "ژفهلسهفا بهرخودانێ" وهك نموونه. ژپێخهمهت بهرجهستهكرنا ئهوان ئهدگارێن زمانێ هۆزانا نویخواز ئهوێن دناڤ ڤێ دیوانێ دا هاتینه بكارئینان. ئهوان دهلالهتێن ڤهشارتی دناڤ تێكستێن هۆزانێ دا. سهرهڕاى ئهڤێ گرنگیا ئهلهمێنتێن زمانى یێن بكارهاتى و شێوازێ نڤیساندن و دیاركرنا وان، ههر دیسان گرنگى دان ب هندهك لایهنێن نهدیار ل دهڤ هۆزانڤانى، چونكه ب دیتنا مه گرنگیهك مهزن ب تێكستێن ڤى هۆزانڤانى نههاتییه دان. د ئهڤێ ڤهكۆلینا بناڤونیشانێ " زمانێ هۆزانێ دهۆزانێن رهمهزان عیساى دا، دیوانا ژفهلسهفا بهرخودانێ وهك نموونه". مه بابهتێ (ئهدگارێن زمانێ هۆزانا نویخواز) ژلایێ پێكهات وچییهتیێ ڤه بهرجهستهكریه و مه پێناسا تێگههێ زمانێ نویخواز كرییه، ههردیسان ئهلهمێنتێن سهرهكى دناڤ ستایلێ تێكستێن هۆزانڤانى دا روهن كرینه و ڕهههندێن وێ ئاشكرا كرینه. ژبۆ هندێ كو دیاربكهین تا چ راده ئهو بنهمایه دناڤدا رهنگڤهداینه و بووینه رێك و ئامراز ژبۆ ئافراندنێن نووتر و كاریگهربهخش و ب چێژتر. دهربرینێن راستهوخو و نهراستهوخۆ سهنگا ئافراندنا بهرههمى ژبو لایهنێ هونهرى و چێژبهخشین و تهكنیكێ هاتیه تهرخانكرن. د ئهنجام دا دیاردبیت كو هوزانڤانی ب شێوهكێ سهرنج راكێش بنهمایێن زمانێ هۆزانا نویخواز دئهڤێ دیوانا شعرى دا بهرجهستهكرینه و هوزانێن وى سروشت و پێكهاتهكا جودا بخوهڤهكرتینه و بو ئهركهك تایبهت هاتینه ئهفراندن.
