ئیستاتیكا هونهرێ سینهمایێ د نمایشا شانۆیێ دا شانۆگهریا (شهوی نیشتمانی) وهك نموونه
Keywords:
ئیستاتیکا، شانۆ، سینەما، شاشە، تەکنیکا هونەریAbstract
هونەرێ شانۆیێ و سینەمایێ ژ ئەوان هونەرانە کو باندۆرەکا هەرە مەزن د جیهانێ دا هەیە ژ ئەوان هونەرێن هەرە گرنگ دهێنە هژمارتن، ئەڤ هەردوو هونەرە هەتا رادەکێ زۆر نێزیکی ئێکن، سینەما و شانۆ ب هەمان شێوازن کو ل سەر بنەمایێ درامی دهێنە ئاڤاکرن.
ئەڤ ڤەکۆلینە بناڤ و نیشانێن (ئیستاتیكا هونهرێ سینهمایێ د نمایشا شانۆیێ دا شانۆگهریا (شهوی نیشتمانی) وهك نموونه) ڤەکۆلینەکا شرۆڤەکاری وەسفییە، د ئەڤێ ڤەکۆلینێدا ڕۆناهیێ دئێخینە ل سەر ئەڤێ شانۆگەریێ کو دیمەنێن سینەمایی تێدا هاتینە بکارئینان و نمایشکرن، هەژی ئاماژە پێکرنێیە کو زۆربەی جاران ژ ئەگەرێ بەرفرەھ بوون و بەلاڤبوونا روویدانێن درامی دشیاندا نینە لسەر دەپێ شانۆیێ بهێتە بەرجەستەکرن، هەر ژبەرهندێ ژبۆ تمامکرنا پێکهاتێ درامی پەنایێ دبەنە بەر دیمەنێن سینەمایی و ب رێکا شاشە(سکرین)د چارچۆڤێ نمایشا شانۆیێ دا پێشانی تەماشەڤانان ددەن، ئەڤەژی تەکنیکەکا هونهرێ شانۆیا مۆدێرنە و ئەوان گرفتێن دەقێن شانۆگەریێ چارەسەر دکەت ب ڕێکا دیمەنێن سینەمایی، دکارین ڤەکۆلینێ ب شێوەیەکێ رێك و پێك ئەنجام بدەین، ئارمانجا سەرەکی یا ئەڤێ ڤەکۆلینێ و تشتێ مە دڤێت بگەهینێ ئەوژی بەرچاڤکرن و گرنگیا تەکنیك و تەکنۆلحژیا سینەماییەئەوا دهێتە بکارئینان دنمایشا شانۆییدا.
ئەڤ ڤەکۆلینە ژ چار پشکا پێکهاتیە، پشکا ئێکێ یا ڤەکۆلینێ بریتیە چارچوڤێ میتودا ژ (ئاریشا ڤەکۆلینێ، گرنگیا ڤەکۆلینێ، ئارمانجا ڤەکۆلینێ، سنورێ ڤەکولینێ) پێکدهێت پشکا دووێ ژ (چارچوڤێ تیوری) پێکهاتیە، ئەڤەژی سێ تەوەران بخۆڤە دگریت، د تەوەرێ ئێکێ دا : بەحس ل ئیستاتیکا هونەرێ سینەمایی هاتیەکرن وەکو دەستپێکا ئەڤی هونەری کا چاوان و ب چ ڕەنگ وەرهلدایە و وەرار کریە تا کو گەهشتیە ئاستەکی هەرە بلند د جیهانێ دا، د تەوەرێ دووێ دا: بەحس ل ئیستاتیكا هونەرێ شانۆیێ هاتیەکرن، ئەڤەژی بۆ دیرۆکا شانۆیێ و زانستێ ئیستاتیكێ دزڤریت. کا چاوان د ئەڤی بیاڤیدا گەشە کریە و جهێ خۆ دناڤا ئەڤی هونەریدا کریە، تەوەرێ سیێ: هاتیە تەرخانکرن بۆ ئەوێ پەیوەندی و جوداهی دناڤبەرا شانۆ و سینەمایێدا هاتیە بەحسکرن.
پشکا سیێ یا ڤەکۆلینێ هاتیە تەرخانکرن بۆ شرۆڤەکرنا (ئەنەلایزکرنا) نموونا ڤەکۆلینێ، ئەوژی بکارئینانا دیمەنێن سینەمایی د نمایشا شانۆگەریا (شەوی نیشتمانی).
پشکا چوارێ دوماهیك بەشێ ڤەکۆلینێ یە هاتیە تەرخانکرن بۆ دەرئێخستنا ئەنجام و لیستا ژێدەران.
