مهزراندنا سۆسیۆلۆژییا زانینێ درۆمانا (عهشق و ئهوێن ژ مژێ بووین) یا (محسن قۆچان)یدا
Keywords:
رۆمان، سۆسیۆلۆژییا زانینێ، ئهپستمۆلۆژییا، عشق و ئهوێن ژ مژێ بووین، محسن قۆچانAbstract
رۆمان، وهك ژانرهكێ پهخشانی كۆمهكا زانیاریێن جوداجودا دكۆكا خۆ دا ههلدگریت. ههروهها پهیوهندییهكا مۆكم ب زانستێن مینا سۆسیۆلۆژییا زانینێڤه ههیه؛ چونكه دبیته ژێدهرهكێ گرنگ ژ بۆ ڤهكۆلهرێن د ئهڤی بواریدا كاردكهن. لهوڕا، سۆسیۆلۆژییا زانینێ وهكو پشكهكا گرنگ ژ زانستێ جڤاكناسیێ، بایهخ و گرنگییهكا مهزن ددهته ڤهكۆلینێن ل سهر رۆمانێن مێژوویی و كهلتووری ... هتد.
ب گۆتنهكا دی، ههر زانین و زانیارییهكا گرێدای (زمان، كهلتوور، ئایین، سیاسهت، ئایدلۆژییا، دابونهریت) ئهوێن ل ئهوی سهردهمی و سهردهمێن كهڤن ژی دا بهربهڵاڤ پیته و بایهخی پێددهت. ئهڤجا زانینن و زانیاریێن جڤاكی د رۆمانێدا، ب شێوه و رێكێن جودا و جیاواز كارتێكرن و باندۆرا خۆ ل سهر باگڕاوهند و تێهزرینا نڤیسكاران ب گشتی و رۆماننڤیسان ب تایبهتی دكهت.
ههژی گۆتنێ یه، سۆسیۆلۆژییا زانینێ، دناڤ ئهدهبیاتاندا مینا رهههند و چێیاتی، ب شێوهیهكێ بهرفرهھ و گشتگیر، گشت بیاڤ و مهودایێن زمانی و كهلتووری شیایه جهێ خۆ دناڤ ژانڕێ رۆمانێ و دونیایا نڤیساندنێدا بكهت، ببیته ئێك ژ ژێدهر و سهرچاوهیێن گرنگ ژ بۆ رهڤشتێن نوی و ههڤچهرخ. ژ بهر ئهڤێ چهندێ ژی، نڤیسكار (محسن قۆچان)، د ئهڤێ رۆمانا خۆ دا، شیایه ئهوان رهههند و مهودایێن مهعریفی و ئهپستمۆلۆژی ب شێوهیهكێ ئهدهبی و ئیستاتیكایی پێشكێشی وهرگرێ رۆمانێ بكهت. چونكه ئهدهب ب گشتی و رۆمان ب تایبهتی، بهرههمێ ئهوێ زانینێ و ئهوان زانیارییانه ئهوێن ل دهڤ نڤیسكاری ههین، لهوڕا نڤیسكارێ ئهڤێ رۆمانێ ژی ب رێكا ڤهگێڕان و وێنهكرنێ، شیایه ئهوان زانیاریێن دیرۆكی، ئایدلۆژی، جڤاكی، ئایینی، دابونهریتان بۆ وهرگری دیار و بهرجهسته بكهت.
