"ئەوێ دی" د رۆمانا كورديدا (دەراڤێ تەنگ) وەكو نموونه
الكلمات المفتاحية:
.رۆمان، ئەوێ دی، کوردیالملخص
(ئەوێ دی) د شێوه و ێنێ خوه یێ ساده دا بەرۆڤاژی و هەڤڕکی (خود/ من/ئەز)ه، لەوما گومان تیدا نینە کو ئەف هەڤڕکیا تائیفی، رەگەزپەرستی، چینایەتی یێن توشی جیهانێ بووین ب هەر شێوەکی ژ شێوان رەنگڤەدان یا لسەر (خود)ی کری. ئەڤه ژی ئەگەرەکه کو هەردەم مروف هەست دکەت کو یێ دشەرەنیخ وهەڤرکیەکا بەردەوامدا دگەل (ئەوێ دی) چونکی هزر وئایدیۆلۆژی وبیروباروەرێن وان وپرنسیپ وتێگەهشتنا وان بۆ ژیانێ تاکو نەریتێن وان ژی د ژێك جودانه. رۆمان ئێك ژ وان چەشنێن ئەدەبیه ئەوا وێنێن (ئەوێ دی) و(ئەز / خود) لسەر هەمی ستراکچەرێن وێ دهێته دیتن. رۆمانا کوردی تاکو ڕادەکی شیایە بەرجەسەکرنا وان وێنا بکەت ئەوێن بەردەوام دگەل تاکێن کورد دهەڤرکیێدا بتایبەت ئەو رژێم و لایەنێن هەمی دەما هەولداین هێزا خوه ژبۆ چەوساندن وتەپەسەكرن وقركرنا ونەهێلانا کەلتور و شینوارێن مللەتێ کورد بکارئینای، ئەڤەژی پالدەرەك بوو کو رۆمانڤیسێ کورد دمیانا ڤەگێرانا وان سەرهاتێن (ئەوێ دی) لسەر مللەتێ کورد بکارئینای وەکو تەڤنەكێ هونەری دناڤەرۆكا تێكستەكێ ئەدەبیدا بدارێژيت.
