هەمەجۆرى یا هێمایێن ئایینى د هۆزانێن (عارف حیتۆ) یدا
الكلمات المفتاحية:
هێما، ئايین، هێمايێن ئايینى، هەڤدەقیيا ئايینى، عارف حیتۆالملخص
ئەڤ ڤەکولینە ل سەر (هەمەجۆرى یا هێمایێن ئایینى دهۆزانێن (عارف حیتۆ)یدا، ناڤهاتى ئێک ژهۆزانڤانێن نویخوازێن کوردە، دەمێ ئەم راماندنێ دهۆزانێن هۆزانڤانیدا دکەین، دزانین کو ژهەر داهێنانەکا دیتر پتر گرنگی ب هەمەرەنگییا هێمایان دایە وب تایبەتى یێن ئایینى، چونکە هێما ب جۆر وهەمەرەنگییا دەلالەتێن خۆڤە، ئێک ژ وان هەرە گرنگترین ساخلەتین ئاڤاکرنا دەقێ شیعرییە ل دەڤ هۆزانڤانى. هەروەسا هۆزانڤان شیایە وان هێمایان ژ رەهەندێن وان یێن رەوشنبیرى ڤەگوهێزیتە رەوشەنبیریەکا نویتر، کو دەربرینێ ژ کەتوارێ هەیى بکەتن، ئەوژى ب دروستکرنا هەڤبەندییەکێ دناڤبەرا کەڤن ونویدا، کو ئارمانجا هۆزانڤانى بەرپاکرنا گوهورینەکێیە ل سەر کەتوارێ تێدا دژیت. ژلایەکێ دیڤە هۆزانڤانى پشتبەستن ب هێمایێن ئایینى وەکو ئالاڤەک بۆ دەربرین ودیتنێن خوە یێن شیعرى بکارئینایە. ئارمانجا ئەڤێ ڤەکولینێ ئاشکەراکرنا وان هێمایێن هەمەرەنگە یێن کو هۆزانڤانى نویخواز ژ (تەوراتێ، ئنجیلێ، قورئانێ) وەرگرتین، چ ب رێکا هەڤدەقیێ یان وەرگرتنا هزرا سەرەکییا دەقى ب خوە. ئەڤێ چەندێ ژى ژگەلەک ژێدەرا وەردگریت، وەکى پەرتوکێن ئایینى وچیرۆکێن پێغەمبەران، رویدان وکەسایەتیێن ئایینى، کو هۆزانڤان ئەوان بۆ هێمایێن هەمەجۆر ڤەدگوهێزیت داکو بکەڤیتە دخزمەتا سەربۆر وهزرا هۆزانڤانیدا.
