شێوازێ دانان و ئافراندنا زاراوهیان د فهرههنگا (زاراوهكانى دهنگسازى)دا
Keywords:
زاراوه، زاراوەیێن دەنگسازی، ڕێیێن بەرهەمھێنانا زاراوەیانAbstract
لێكۆلینا زانستی د هەر بوارەکی ژ بوارین زانستیێن هەمەجۆردا، پێدڤی ب دەستنیشانکرنا زاراوەیێن تاییەتێن ئەوی زانستی هەیه، ئەو زاراوه دبنه بنواشەك بۆ تێکەهشتنا ئەوی زانستی، ب تایبەت ل گەل گەشە و گوهوڕینا تێكەهشتنا زانستيیا هەر زانستەكی، پێددڤییه ئەو زاراوه ژ لایێ ڕۆخسار و ناڤەڕؤكیڤه ڕوون و دروستبن، ب تایبت زۆربەیا زاراوەیێن زانستى ئێكەم جار ب زمانێن بیانی دهێنه دروستکرن. کوردیکرن یان بکارهێنانا ئەوان زاراوەیێن زانستی د زمانی كوردیدا کارەکی قورسه و پێدڤی ب دووباره پێداچوونێیه. ئەڤ لێكولينه ب ناڤونیشانێن (شێوازی دانان و ئافراندنا زاراوەیان د فەرهەنگا (زاراوەکانی دەنگسازی)دا)، ب شێوەیەکێ گشتی ئەڤ لێكۆلینە تایبەته ب دیارکرنا ئەوان ئیستراتیجیەتێن ل دەمێ پەیداکرنا زاراوەیێن زانستی دهێنه بکارهینان وب تایبەت ئەو ڕێیێن هاتینه پەیرەوکرن د فەرهەنگا (زاراوەکانی دەنگسازی) یا دکتور (تالیب حوسێن عەلی)، بۆ شلوڤەکرنا زاراوەیێن د ئەڤی لێکۆلینێدا هاتینه دروستکرن رێبازا وەسفیا شلوڤەکاری هاتیه بکارهێنان، زۆربەیا لێكۆلینێن تایبەت ب دروستکرنا زاراوەیان پتر گرنگیدایه لایەنێ تیۆری وکێم ئەو ئەنجام و زانیاریێن تیوری ئەوێن ب دەستڤەهاتین پراكتیکرینه، ئەڤ لێكۆلينه دی بيته تمامكەرەك بو گەلەك لێكۆلینێن پێش خۆ، ب تایبەت لایەنێ پراكتیكی و دیاركرنا ئەوان ڕێیێن د فەرهەنگێدا هاتینه پەیرەوکرن.
