ڕۆلێ مەجازا زمانى د بەرفرەهکرنا فەرهەنگا زمانێ کوردیدا خواستن وەک نموونە لێکولینەکا وەرگرتی ژ ناما ماستەرێ

Abstract

ئەڤ لێکولینە ل ژێر ناڤونیشانێ(ڕۆلێ مەجازا زمانى د بەرفرەهکرنا فەرهەنگا زمانێ کوردیدا خواستن وەک نموونە) تێدا مە باسێ ڕۆلێ مەجازا زمانى د بەرفرەهکرنا فەهەنگێ و پەیداکرنا واتایێن نوى د زمانێ کوردیدا کریيە، چونکى مەجازێ ب شێوەیەکێ گشتى و مەجازا زمانى ب شێوەیەکێ تایبەتى ڕۆلەکێ بەرچاڤ هەيە د دروستکرن و پەیداکرنا واتایێن نویدا، لەورا ئارمانجا سەرەکى ژ ئەنجامدانا ئەڤێ لێکولینێ دیارکرنا رۆلێ مەجازێ د بەرفرەهکرنا فەرهەنگا زمانێ کوردى، چونکى سەرەڕاى گرنگیا مەجازێ د بوارێ ئەدەبیات و ڕەوانبێژیێدا، مەجازێ گرنگیەکا زمانیژى هەیە، ئەڤى بابەتى گرنگیەکا مەزن د گەلەک بوارێن زانستێ زمانى هەیە، بۆ نموونە( فەرهەنگسازى، زاراڤسازى، واتاسازى، ...) لێکولین ل دویڤ ڕێبازا وەسفى ئێستايى هاتییە ئەنجامدان، چونکى بابەتێ لێکولینێ گشتییە، مە نموونێن پێدڤى ژ کرمانجیا سەرى _ دەڤۆکا بەهدینى وەرگرتینە، پرسیارێن سەرەکى کو د ئەڤێ لێکولینێدا مە بەرسڤا وان داى ، ئەوە رولێ خواستنێ د بەرفرەهکرنا فەرهەنگا کوردیدا هەیە؟ژ بلى پێشەکى و ئەنجامان لێکولین ل سەر دوو تەوەران هاتییە دابەشکرن، ئەوژى: تەوەرێ ئێکێ ئەڤان سەرەبابەتان بخۆڤەدگریت(مەجاز، مەجازا زمانى، جۆرێن مەجازا زمانى، پەیوەندییا دناڤبەرا ڕەوانبێژیێ و واتاسازیێ)، تەوەرێ دووێ ئەڤان سەرەبابەتان بخۆڤەدگریت(ڕێیێن بەرفرەهکرنا فەرهەنگێ، ڕۆلێ مەجازا زمانى د بەرفرەهکرنا فەرهەنگا زمانێ کوردیدا خواستن وەک نموونە).