حیكایەتا فولكلۆری د ناڤبەرا دەربرینا سەرزاری و شێوزێ نڤێسكیدا، حیكایەتا (میرێ ئامێدیێ) وەك نموونە ئەڤ ڤەكولینە هاتییە وەرگرتن ژ ناما دكتۆرایێ یا كو نهو د قوناغێن تمامكرنێدایە و بناڤونیشانێ (شرۆڤەكرنا بنیاتێ حیكایەتێن فوڵكلۆریێن كوردی)
Keywords:
دەربڕينا سەرزاری، شێوازێ نڤێسكی، حیكايەت، خەیات، حیكايەتا میرێ ئامێدیAbstract
پشتی گورانكاریێن سەرانسەری د جڤاكاندا پەیدابووین، شیانێن مرۆڤی یێن دەربڕینێ گەشەكرین، ب ڤێ یەكێ مرۆڤی ل دەستپێكێ هەولدا دەربڕینێ ب شێوەیەكێ سەرزاری ژ سەرهاتیێن خۆیێن كەسوكی یان یێن كەسانێن دیتر بكەت، ئەوژی پشتی بورینا چەندین چەرخان، ئەڤ دەربڕینا سەرزاری بۆ سەر شێوازێ نڤێسكی هاتەڤەگوهازتن، ل ڤێرێ وەرچەرخانەك پەیدابوو یان گوهۆڕینەكا، جودا ژ دەستپێكا پەیدابوونا ڤی شێوازی پەیدابوویە؛ چونكو ڤەگێرانا سەرزاریە یا گرێدای ب دەمێ پێشكێشكرنێ و گوتنێڤە، ئانكو ئەو چركەیا دروستكرن و ڤەگێرانا حیكایەتێ هەمان چركەیا پێشكێشكرنێیە، بەلێ بەرهەمێ حیكایەتا نڤێسكی ڤالاتیەكا دەمی د ناڤبەرا دارشتن و بەرهەمهینان و خواندن یان پێشكێشكرنا وێدا هەیە، واتە چركەیا دارشتنا حیكایەتێ یا جودا و دابڕیە ژ چركەیا خواندن یان پێشكێشكرنا وێ.
د ڤێ ڤەكۆلینێدا هەولەك هاتیەدان، ئەو خالێن كو دەربڕینا سەرزاری ژ شێوازێ نڤێسكی جودادكەن دەستنیشانبكەت، ئەوژی ب رێكا دیڤچوونا (كەسایەتی، گوتنا پێزانینان، سەربزێدەكرن، كورتكرن، شێوێ حیكایەتێ، دووبارەكرن، رێرەوێ ڤەگێرانكی یێ حیكایەتا سەرزاری و نڤێسكی، گونجانا ڤەگێری د ناڤ بوویەرێن حیكایەتێدا). واتە ئەڤ خالێن ئاماژەپێكری ل سەر ڤەكۆلینا ل ژێر ناڤونیشانێ (حیكایەتا فولكلۆری د ناڤبەرا دەربڕینا سەرزاری و شێوازێ نڤێسكیدا، حیكایەتا (میرێ ئامێدیێ) وەك نموونە) هاتینە پەیرەوكرن.
