رهخنا ئهدهبی یا ژینگههێ دناڤبەرا تیورو پراکتیکێ دا : رۆمانا (ئاترا) یا رۆماننڤێس (دیار ئهرهدنی) وەکو نموونە
Keywords:
رهخنا ئهدهبی یا ژینگههێ، ئیكو كریتیسیزم، ژینگهه، ئاترا، شرۆڤهكرنا تێكستێAbstract
ئهڤ ڤهكۆلینه ل ژێر ناڤ و نیشانێ (ڕهنگڤهدانا رهخنا ئهدهبی یا ژینگههێ د رۆمانا (ئاترا) یا رۆماننڤێس دیار ئهرهدنی) دایه. بابهتهكێ نوى یێ رهخنهیی د ڤهكۆلینێن رهخنهیی یێن سهردهمدا پێشكێشدكهت، ئهوژى رهخنا ژینگههێیه. ئهڤ جۆرێ رهخنێ ههوڵددهت بڕێكا ئهدهبیاتان پرسگرێكێن ژینگههێ ژ لایهنێن جوداجوداڤه بنرخینیت. پێخهمهت ڤهدیتنا چارهسهریێن گونجایی بۆ كریزا ژینگههێ. ڤهكۆلین ل دویڤ ڕێبازا وهسفى - شرۆڤهكارى هاتیه ئهنجامدان. رهخنا ژینگههێ گرنگیێ ب پهیوهندیێن دناڤبهرا مرۆڤ و ژینگهها سرۆشتى ددهت، كا چاوا ئهڤ پهیوهندیه دناڤ ئهدهبیاتاندا هاتینه ڕهنگڤهدان؟ ئارمانجا سهرهكی ژ ئهنجامدانا ڤى كاری، بلندكرنا ئاستێ هشیاریێیه و گرنگیدانه ب ژینگههێ و پاراستن و ڕێزگرتنا وێ. ل گهل ههلوهشاندنا هزرا سهنتهربوونا مرۆڤى ب سهر سرۆشتیدا.
پشكا ئێكێ یا ڤهكولینێ یا تایبهته ب لایهنێ تیوری یێ رهخنا ئهدهبی یا ژینگههێڤه. پشكا دووێ بۆ لایهنێ پراكتیكی هاتیه تهرخانكرن و تێدا: بنهمایێن رهخنا ئهدهبی یا ژینگههێ ل سهر رۆمانا (ئاترا) یا رۆماننڤێس (دیار ئهرهدنی) هاتینه پراكتیزهكرن و ئاماژهیێن ژینگههی و بهرجهستهبوونا ژینگهها سرۆشتى تێدا هاتینه ڕوهنكرن. ڤهكولین گههشتیه وى ئهنجامى كو ئهڤ رۆمانه تا رادهیهكێ زۆر دچیته سهر ب وێ ئهدهبیاتێڤه ئهوا پرسێن ژینگههێ تێدا هاتینه ئازراندن.
