تەماشا شانۆیێ د دیاردێن شانۆیا كوردیدا
Keywords:
تەماشە، جوانی، نمایش، پێرفورمانس، شانۆیا كوردیAbstract
ڤەكۆلین باس ل جوانكاریێن ئەنجامدانا پێرفورمانس و رادا پشكداریكرنا ئەوێ د بدەستڤەهینانا (تەماشێ) د نمایشكرنا شانۆیێدا دكەت، هەروەسا ڕۆلێ هەرە گرنگ یێ جوانكاریێن پێرفورمانسا زارڤەكەری د نمایشكرنا شانۆیێدا، و رەنگڤەدانا ئەوان هەمی جوانكارییان د بدەستڤەهینانا تەماشا شانۆیێدا. كو رهوریشالێن ئەوان بۆ بنیاتێ ئەوان یێ هونەری دزڤریت، ئەوژی ل دویڤ نویكرنێ و جۆراوجۆركرنێ، و ل دویڤ پێدڤیێن ئەنجامدانا شانۆیێ بۆ ئەوان نمایشێن د شانۆیا كوردی یا هەڤچەرخدا، و بكارهینانا ئەوان وەكو سەمپلا ئەڤێ ڤەكۆلینێ. هەر چەندە شانۆیا كوردی ب شێوەیەكێ تایبەت كاریگەری ل سەر بزاڤا شانۆیێ بگشتی نەكریە، داكو ستوینەكا گرنگ پێكبهینیت بو ئەوان یێن د بوارێ هونەرێ شانۆیێدا كار دكەن، وەك شێوازەك بۆ دەربرین و پێشكێشكرنا بۆچوونێن خۆ یێن هونەری پشتبەستنێ ل سەر بكەن. بەلێ هەر چەوابیت شانۆیا كوردی یا ڤاڵا نەبوویە ژ پێكهاتێن جوانیێ بۆ پەیداكرنا تەماشێ ل دەڤ تەماشەڤانی، چ شانۆیا كوردی یا هەڤچەرخ بیت، یان ژی دیاردێن دەستپێكی یێن سەرهلدانا شانۆیا كوردی بیت. یان شێوەیێن دەستپێكی یێن دیاربوونا تەماشێ د رێورەسمێن ئاینی و ئەنجامدانا هەلكەفتێن جەماوەری، وەكو ئاهەنگێن پێکهینانا هەڤژینیێ یان هندەك یاریێن فلكلوری یێن كو ژلایێ كەسێن خۆدان ئەزموون ڤە ب ئامادەبوونا جەماوەرەكێ زۆر ژ خەلكێ ئاسایی دهاتنە ئەنجامدان. دیسان پێرفورمانس بویە بەشەك پشكداری د بكارهینانا پروسا نمایشێدا كریە، و بویە هوكارێ ئەوێ ژلایێ جوانیا هزریڤە كو لگەل ئاماژەیێن كاركتەران و دەربرینێن ئەوان یێن هونەری بگونجیت، د پەیوەندیەكا دناڤبەرا زارڤەكەری و پێرفورمانسا وی ودناڤبەرا پێكهاتێن دی یێن شانۆیێ. لەورا ئەڤ چەندە رەنگڤەدانێ ل سەر وەرگری دكەت، داكو ژ لایێ هەستانڤە بگوهوریت ژ رەوشەكێ بەرەڤ رەوشەكا دیڤە ببەت، ئانكو بەرەڤ رەوشەكا بلندتر و جوانتر و خۆ شترڤە ببەت، كو خۆ ببینیت بەشەك ژ ناڤەرۆكا نمایشا شانۆیێ. داكو تەماشە ب تێگەهێ خۆ یێ تمام و لگەل هەمی پێكهاتێن دی یێن نمایشێ ب دەستڤەبهێت، كو زارڤەكەر ب ئێك ژ گرنگترین پێكهاتێن نمایشێ دهێتە هژمارتن، لەورا پێدڤیە پێرفورمانسا زاڤەكەری ل دویڤ بهایێن جوانكاریێ بیت، دا ببیتە ئەگەرێ ب دەستڤەهینانا تەماشێ.
