رۆلێ ئافرەتا كورد د پرۆسێسا سیاسیدا ل عیراقێ 1921 – 1991 ڤەكۆلینەكا مێژووییە
الكلمات المفتاحية:
ئافرەتا كورد، باشورێ كوردستانێ، عیراق، شورەشا ئەیلولێ، ژیانا سیاسیالملخص
دناڤبەرا سالێن (1921 – 1991)ێدا كومەكا رویدانێن سیاسی ل عیراقێ و باشورێ كوردستانێ پەیدابووینە، ئەڤان رویدانان كارتێكرنڕكا زۆر ل سەر ھەر تاكەكێ كومەلگەھا كوردی ھەبوویە، ھەروەسا كارتێكرنا ئەڤان رویدانان ل سەر ئافرەتێ ژی بوویە، كو وەكوبەشەكێ گرنگێ كومەلگەھێ دھێتە ھژمارتن. ھەرچەندە ھەر ژ دەستپێكا دامەزراندنا دەولەتا عێراقی ل سالا 1921ێ و ھەتا سەردەمێ بەری سەرھلدانێ ژی ئافرەتێ چ رۆلەكێ بەرچاڤ نەبوویە، بەلێ گرنگیا ڤەكۆلینا ئەڤێ قوناغێ دئەوێ چەندێدایە، كو چەندین ئافرەت ل ئەڤی ماوەیدا دەست ب خەباتێ د بوارێ ئافرەتێدا كریە، كو دبیتە بناغەك بۆ بزاڤا سیاسی یا ئافرەتا كورد، وەكو (حەپسەخانی نەقیب) كو شیایە ل سالیێن سیھان ژ چەرخێ بووی یا شیایە یاداشتنامەكێ بۆ (كومەلا گەلان) بھنێریت و تێدا داخازكرنا مافێن ئافرەتا كورد وەكو مافێ خواندن و زانینێ و ڤەكرنا خاندنگەھان ل دەڤەرێن كوردان بكەت. د ئەڤێ ڤەكۆلینێدا دێ ھەولدەین رۆلێ ئافرەتا كورد د ماوەیێ ڤەكۆلینێدا دەینە دیاركرن، كو ئایە ئافرەتا كورد تا چ رادە شیایە بەشداریێ د پرۆسێسا سیاسیدا بكەت و ئەرێ شیایە وەك ئافرەتا عیراقێ كومەلەیێن ئافرەتان یێن تایبەت ب ئافرەتا كورد بدامەزرینیت؟ و ب رێكا ئەوان كومەلان شیایە داخازا مافێن ئافرەتا كورد بكەت؟ ئەرێ ئافرەتا كورد تا چ رادە شیایە پالپشتیا شورەش و بزاڤێن رزگاریخوازیا كوردیدا بكەت؟ كاریگەرییا داگیركاری و زوردارییا ژلایێ رژێمێن ل دویڤ ئێك یێن عیراقێ وەكو كارەساتێن ئەنفال و حەلەبچە ژلایێ ئابووری، دەروونی، سیاسی، جڤاكی، تەندروستی، چ بوویە؟
