سەرهلدانا ئادارا ١٩٩١ێ د رۆژنامەیا (جمهورییەت) یا تورکى دا
Keywords:
ڕۆژناما جمهوریەت، سەرهلدانا ئادارا ١٩٩١ێ، کوردستانا عیراقێ، بەرەیێ کوردستانى، کوردستانا عیراقێAbstract
رۆژناما جمهورییەت دهێتە هژمارتن ئێك ژ كەڤنترین رۆژنامێن نەفەرمی د دیرۆكا رۆژنامەگەرییا كۆمارا توركیادا، كو خۆدان پێگەهەكێ جەماوەری یێ بەرفرەهە ژلایێ خواندەڤان و هەبوونا دەستەیەكا نڤێسەرێن ناڤدارڤە. رۆژنامە خۆدان دیرۆكەكا درێژە و ب ئاوایەكێ رۆژانە هەتا نها وەشانا وى یا بەردەوامە. ب درێژاهیا دیرۆكا خۆژی رۆژناما جمهورییەت گرنگی ب كێشا كوردیدایە و ل دستپێكێ هەتا چارێكا دووماهیێ ژ چەرخێ بیستێ هەلویستێ ئەوێ ل بەرامبەر كێشا كوردی ل سەر هێلا حكوومەتێ بوویە. ل دەستپێكا سالێن نوتان و ب تایبەت پشتی سەرهلدانا 1991ێ ل هەرێما كوردستانێ، رۆژناما جمهورییەت ب ئێكجاری بەرێ خۆ دایە رۆمالكرنا پێشهاتێن گرێدایی ب كوردستانا عیراقێڤە و ب ئاوایەك بەرفرەه و جاران وەك نۆچە و جاران وەك هەلویست و شرۆڤەكرن، بوویەرێن گرێدایی ب كوردستانێ ڤەگۆهاستینە ناڤ بەرپەڕێن خۆ.
رۆژنامێ گرنگى ب سەرهلدانا ١٩٩١ێ و دەرئەنجامێن وێ دایە، ژ وانا کۆچا ملیۆنى، کو رۆژنامێ رۆلەکێ گرنگ گێرایە د گەهاندنا تراژیدیا ملەتێ کورد بۆ تورکیا و جیهانێ، و ل گەل دەرکەتنا بریارا ٦٨٨ و دانانا هێلا ٣٦، رۆژنامێ گرنگى ب ڤەگۆهاستنا بابەت و بوویەرێن کوردستانێ، ل گەل ڤەگۆهاستنا هەلویستێن هەرێمى و نێڤدەولەتى و وان شرۆڤەکرن و گۆتارێن گرێدایی کوردستانێ، رۆژنامێ بوویەر ڤەگۆهستینە ب ئاوایەک بێلایەن، لێ ل گەل گوهۆڕینا حکوومەت و سەرۆک کۆمارێن تورکیا هەلویستێ رۆژنامێ ژى گوهۆڕین بخۆڤە ددیت. ب ئاوایەکێ گشتى و دەربارەى کوردستانێ هەلویستێ رۆژنامێ یێ نووچەیی بوویە و نوینەراتیا بۆچوونا حکوومەتێ نەدکر.
