وێنهكرنا ریفراندۆما سهرخوهبوونا باشوورێ كوردستانێ د هۆزانا هندهك هۆزانڤانێن دهڤهرا بههدیناندا
Keywords:
ریفراندۆم، باشورێ كوردستانێ، سهرخوهبوون، هۆزانا ههڤچهرخ، دهڤهرا بههدینانAbstract
كوردستانا باشوور د ناڤبهرا سالێن (2014-2018)ێدا تووشی روودانێن مهزن یێن سیاسى بوو، ئێك ژ وان ژى ئهنجامدانا ریفراندۆما سهرخوهبوونێ بوو ل ههرێما كوردستانێ و دهڤهرێن دهرڤهى ئیدارهیا ههرێمێ. ئهڤ ڤهكۆلینه ل ژێر ناڤ و نیشانێ (وێنهكرنا ریفراندۆما سهرخوهبوونا باشوورێ كوردستانێ د هۆزانا هندهك هۆزانڤانێن دهڤهرا بههدیناندا) هاتییه ئهنجامدان. ئهڤ ژى بزاڤه بۆ شرۆڤهكرنا بۆچوون و ههلویستێ هۆزانڤانان ل دۆر ئهوێ روودانێ. چونكى ئهو روودانهكا چارهنڤێسساز بوویه و د ئهوێ قۆناغێدا وهرچهرخانهكا مهزن ژ ئالییێ ئێمناهى و سیاسى و ئابورى و جڤاكى ل ئهڤێ دهڤهرێ دروستكریه كو راستهوخۆ پهیوهندى ب ژین و ژیارا خهلكێڤه ههبوون. ڤێ روودانێ و دهرئهنجامێن وێ كارتێكرن ل ژیار و ههست و سۆزێن هۆزانڤانان ژى كریه. لهورا پرسێن ل ڤێرێ دهێنه ئازراندن ئهون كو چهوان ئهڤ روودانه د ناڤ هۆزانا ههڤچهرخا دهڤهرا بههدیناندا هاتییه وێنهكرن؟ پهیاما هۆزانڤانان چ بوویه؟ ئهرێ وان پتر داكوكى ل ناڤهروك و پهیامێ كریه یان ئالییێ زمان و ئالییێن فۆرمیژى جهێ پویتهدانا وان بوویه؟ ههر چهنده وهكو میتود مه پشتبهستن ب سالوخدان و شرۆڤهكرنێ كریه، بهلێ وهكو رێبازهكا رهخنهیى بابهتى ئهم نهچاركرینه ههتا رادهیهكێ مفایێ ژ پتر ژ رێبازهكێ وهربگرن، نهخاسمه رێبازا مێژوویى، ئایدیولوژى، جڤاكى و ههروهسان هندهك جاران مه پهنا بریه بهر دیتنێن فۆرمالیزمى؛ ئانكو مه ههولدایه رێبازا ههمهلایهن (تكاملی) پهیڕهوبكهین. ل ڤێرێ و پشتى شرۆڤهكرن و ڤهكۆلینێ ئهم گههشتینه هندێ كو هۆزانڤانێن دهڤهرا بههدینان د پێشكێشكرنا بابهتێ ڤهكۆلینێدا خودان ههست و ههلویستێن نهتهوهیینه. باوهرى ب مافێ گهلێن كوردستانێ ههنه د بریاردانێ ل سهر چارهنڤیسێ خوه، لهوما ریفراندوم وهكو مافێ مللهتێ كورد وێنهكرینه. ههر چهنده وان داكوكى ل ناڤهروك و پهیامێ د هۆزانێن خوهدا كریه، بهلێ كێم جاران زمان و فۆرمژى ل بهرچاڤ وهرگرتینه؟
