کاریگەری گوزارشتی جەستەی لەسەر شانۆی هاوچەرخ (پینەباوش وەکو نمونە)

الملخص

ئەم توێژینەوەیە،( کاریگەری گوزارشتی جەستەی  لە شانۆی هاوچەرخدا، پینەباوش وەکو نمونە). دابەش دەبێت بەسەر چوار بەش، لە بەشی یەکەمدا چوارچێوەی میتۆدی توێژینەوەکە دەگرێتەوە کەتایبەتە بە کێشەی توێژینەوەو گرنگی و ئامانج و سنوری توێژینەوەکە، پاشان بەشی دووەم چوارچێوەی تێوری توێژینەوەکە لەدوو تەوەرە پێك دێت تەوەرەی یەکەم  تایبەتە بە ئامادەکردن و مەشقکردنی جەستەی ئەکتەرو بەکارهێنانی بەشێوەیەکی زانستی و مەنهەجی، بەڵام تەوەری دووەم دەربارەی ئەو ئامرازە هاوچەرخانەیە کە تایبەتن بە ئامادەکردنی جەستەی ئاکتەرو گرنگی گوزارشتی جەستەی لە شانۆی هاوچەرخدا، بەپێی ئاستی ڕۆشنبیری و  توانای جەستەی ئاکتەر لەشانۆی هاوچەرخدا، هەروەها ئەم بەشە  بە گرنگترین خاڵەکانی چوارچێوەی تێوری کۆتای دێت، پاشان بەشی سێهەم دەست پێدەکات کە بریتیە لە ( بەجێهێنانی توێژینەوە) گۆمەڵگای توێژینەوەو سنوری زەمەنی توێژینەوەکە کە ساڵی ٢٠٠٠بۆ٢٠١٠ دەگرێتەوە، ئەو نمونانەی لەم توێژینەوەیەدا کارم لەسەر کردوون بریتین لە سێ نمونە، واتە سێ نمایشی جیاوازی دەرهێنەرو سەماکار (پینەباوش)ە ، بەڵام بۆ میتۆدی توێژینەوەی ئەم توێژینەوەیە، توێژەر میتۆدی وەسفی بەکارهێناوە ،هەروەها بۆ شیکردنەوەی نمونەکان پشت بە چاوپێکەوتنی ڤیدیۆی یوتوب و سیدی بەستراوە وەک ئامراز بۆ نوسینی توێژنەوەکە. بەشی چوارەم لە گفتوگۆکردن و دەرئەنجامەکان و پیشنیارەکان سەرچاوەکان و هەروەها لە پوختەی توێژینەوە  پێک هاتون بە زمانی ئینگیزی.